ഖത്തര്‍ പൗരന്‍മാര്‍ക്ക് അതിര്‍ത്തിയില്‍ ഊഷ്മള സ്വീകരണം
റിയാദ്: സൗദി അറേബ്യ സന്ദര്‍ശിക്കാനെത്തിയ ഖത്തര്‍ പൗരന്‍മാര്‍ക്ക് അതിര്‍ത്തിയില്‍ ഊഷ്മള സ്വീകരണം. സാല്‍വ അതിര്‍ത്തി ചെക് പൊയിന്റില്‍ പൂച്ചെണ്ട് നല്‍കിയാണ് ഉദ്യോഗസ്ഥര്‍ ഖത്തര്‍ പൗരന്‍മാരെ വരവേറ്റത്. ഉപരോധം പിന്‍വലിച്ചതിന് ശേഷം കരാതിര്‍ത്തിയായ സാല്‍വ വഴി ആദ്യമെത്തിയത് ഖത്തര്‍ പൗരനായ അബ്ദുല്ല മുഹമ്മദ് ബിന്‍ ദഹ്‌റൂജ് ആണ്. മൂന്നര വര്‍ഷത്തിലേറെയായി തുടരുന്ന ഉപരോധം പിന്‍ വലിച്ചതോടെ ഇരു രാജ്യങ്ങളില്‍ നിന്നും വിവാഹ ബന്ധം സ്ഥാപിച്ചവരും ആഹ്‌ളാദത്തിലാണ്. സാല്‍വ വഴി ദിവസവും ആയിരക്കണക്കിന് വാഹനങ്ങളാണ് ഉപരോധത്തിന് മുമ്പ് കടന്നു പോയിരുന്നത്.
