Saudi News

റിയാദ്: സൗദി തലസ്ഥാനമായ റിയാദില്‍ നിന്ന് കൊച്ചിയിലേക്ക് നേരിട്ടുള്ള വിമാന സര്‍വീസുകളുമായി സൗദി ബജറ്റ് എയര്‍ലൈനായ ഫ്‌ളൈനാസ്. സെപ്റ്റംബര്‍ 2 മുതല്‍ സര്‍വീസുകള്‍ ആരംഭിക്കും. ആഴ്ചയില്‍ മൂന്ന് ദിവസങ്ങളിലാണ് നോണ്‍സ്‌റ്റോപ്പ് വിമാനങ്ങള്‍ സര്‍വീസ് നടത്തും. ഞായര്‍, ബുധന്‍, വെള്ളി ദിവസങ്ങളിലായിരിക്കും സര്‍വീസ്. റിയാദില്‍നിന്ന് രാത്രി 10ന് പുറപ്പെടുന്ന വിമാനം പിറ്റേന്ന് രാവിലെ 5.50ന് കൊച്ചിയിലെത്തും. കൊച്ചിയില്‍നിന്ന് രാവിലെ 6.50ന് പുറപ്പെട്ട് രാവിലെ 9.30ന് റിയാദിലെത്തുന്ന രീതിയിലാണ് സമയം ക്രമീകരിച്ചിരിക്കുന്നത്. പുതിയ സര്‍വീസിലേക്കുള്ള ടിക്കറ്റ് ബുക്കിങ് ആരംഭിച്ചു. മധ്യകേരളത്തിലേക്കും

റിയാദ്: മൂന്നര പതിറ്റാണ്ട് നീണ്ട് പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന കേളി കലാസാംസ്‌കാരിക വേദി മുസാഹ്മിയ ഏരിയ റുവൈദ യൂണിറ്റ് അംഗം ജയപ്രകാശിന് കേളിയുടെ നേതൃത്വത്തില്‍ ഹൃദ്യമായ യാത്രയയപ്പ് നല്‍കി. പ്രാദേശിക ചില്ലറ വില്‍പ്പനശാലയില്‍ ജീവനക്കാരനായിരുന്നു. കൊല്ലം പരവൂര്‍ നെടുങ്ങോലം സ്വദേശിയാണ്. യൂണിറ്റ് പ്രസിഡന്റ് സുദര്‍ശന്‍ അധ്യക്ഷത വഹിച്ചു. കേളി കേന്ദ്ര കമ്മിറ്റി അംഗവും മുസാഹ്മിയ ഏരിയ സെക്രട്ടറിയുമായ അനീഷ് അബൂബക്കര്‍, ഏരിയ കമ്മിറ്റി അംഗം മഹ്മൂദ്, എക്‌സിക്യൂട്ടീവ് അംഗങ്ങളായ ഷംസീര്‍, സലാം, അബ്ദുള്ള, ഷിജു അഹമ്മദ്

റിയാദ്: നാടിന്റെ ഓര്‍മ പുതുക്കി ചെണ്ടമേളവും ആര്‍പ്പുവിളികളുമായി റിയാദ് ടാക്കീസിന്റെ ‘പൊന്നോണം-26’ വര്‍ണാഭമായ പരിപാടികളോടെ ആഘോഷിച്ചു. ഫ്‌ലെമിംഗോ മാള്‍ ഓഡിറ്റോറിയത്തില്‍ നടന്ന ചടങ്ങില്‍ മലയാളി തനിമയോടെ മഹാബലിയെ ആനയിച്ചു. സാംസ്‌കാരിക സമ്മേളനം മാര്‍ക്ക് ആന്‍ഡ് സേവ് മാനേജര്‍ മുസ്തഫ ഉദ്ഘാടനം ചെയ്തു. പ്രസിഡന്റ് റിജോഷ് കടലുണ്ടി അധ്യക്ഷത വഹിച്ചു. രക്ഷാധികാരി അലി ആലുവ ഓണസന്ദേശവും കണ്‍വീനര്‍ ഷമീര്‍ കല്ലിങ്കല്‍ ആമുഖ പ്രഭാഷണവും നടത്തി. നൂറുകണക്കിന് പ്രവാസികള്‍ ഒത്തുചേര്‍ന്ന വിഭവ സമൃദ്ധമായ ‘മെഗാ ഓണസദ്യ’ ആഘോഷങ്ങള്‍ക്ക് മാറ്റുകൂട്ടി. വിശാലമായ

റിയാദ്: സൗദി അറേബ്യയിലെ ഏറ്റവും വലിയ സൗഹൃദ ഓണ സദ്യയൊരുക്കി സാംസ്‌കാരിക കൂട്ടായ്മ റിയാദ് ടാക്കീസ്. നൂറുകണക്കിന് പ്രവാസികള്‍ ഒത്തുചേര്‍ന്ന വിഭവ സമൃദ്ധമായ ‘മെഗാ ഓണസദ്യ’ പൊന്നോണപ്പെരുമയുടെ ആഘോഷങ്ങള്‍ക്ക് മാറ്റുകൂട്ടി. മാത്രമല്ല, പ്രവാസ ലോകത്തെ മാനവികതയുടെ വിളംബരംകൂടിയായിരുന്നു ഓണസദ്യയുടെ ഒരുക്കം മുതല്‍ വിരുന്നൂട്ടല്‍ വരെയുളള ഒത്തൊരുമ. വിശാലമായ ഹാളില്‍ പ്രത്യേകം വസ്ത്രങ്ങളണിഞ്ഞ സന്നദ്ധപ്രവര്‍ത്തകര്‍ വരിവരിയായി വാഴയിലയില്‍ വിഭവങ്ങള്‍ വിളമ്പിയപ്പോള്‍ നാടിന്റെ സദ്യയോര്‍മകളാണ് റിയാദില്‍ പുനര്‍ജനിച്ചത്. സ്ത്രീകളും കുട്ടികളുമടക്കം വന്‍ ജനപങ്കാളിത്തമാണ് മെഗാ സദ്യയുടെ ഭാഗമായത്. ആഘോഷങ്ങള്‍ക്ക് മാറ്റ്

റിയാദ്: റിയാദ് ഇസ്‌ലാഹി സെന്റേഴ്‌സ് കോഓര്‍ഡിനേഷന്‍ കമ്മിറ്റിയുടെ (ആര്‍ഐസിസി) എഡ്യുക്കേഷന്‍ വിങ്ങിന് കീഴില്‍ പ്രവര്‍ത്തിക്കുന്ന മദ്രസകളില്‍ പുതിയ അധ്യയനവര്‍ഷം സെപ്തംബര്‍ 4ന് ആരംഭിക്കും. ഒരു പതിറ്റാണ്ടിലേറെയായി റിയാദിന്റെ വിവിധ കേന്ദ്രങ്ങളില്‍ പ്രവര്‍ത്തിക്കുന്ന മദ്രസകളില്‍ ക്വുര്‍ആന്‍, അറബിക്, ചരിത്രം, വിശ്വാസം, കര്‍മ്മം, സ്വഭാവം തുടങ്ങിയ സിലബസാണ് പഠനം. ആക്ടിവിറ്റി ബേസ്ഡ് പാഠ്യപദ്ധതിക്കൊപ്പം കലാകായിക മത്സരങ്ങള്‍ക്കും മുന്‍ഗണന നല്‍കുന്നു.5 മുതല്‍ 15 വയസ്സുവരെയുള്ള വിദ്യാര്‍ഥികള്‍ക്കായി മലയാളം, ഇംഗ്ലീഷ് മീഡിയങ്ങളില്‍ പ്രത്യേക ക്ലാസുകളുണ്ട്. പരിശീലനം ലഭിച്ച അധ്യാപകരും ആധുനിക സൗകര്യങ്ങളുള്ള ക്ലാസ്

ഹായില്‍: പ്രവാസത്തിരക്കുകള്‍ക്കിടയിലും നാടിന്റെ ഓണസ്മരണകള്‍ തൊട്ടുണര്‍ത്തി ബെസ്റ്റ് വേ കള്‍ച്ചറല്‍ സൊസൈറ്റി ഹായില്‍ യൂണിറ്റ് ഓണം ആഘോഷിച്ചു. വിഭവ സമൃദ്ധമായ ഓണസദ്യയും സൗഹൃദ സംഗമവും ഒരുക്കിയായിരുന്നു ഘോഷം. അറഫ ദര്‍ബാര്‍ ഓഡിറ്റോറിയത്തില്‍ നടന്ന പരിപാടിയില്‍ നൂറുകണക്കിന് പ്രവാസികളും കുടുംബങ്ങളും പങ്കെടുത്തു. ബെസ്റ്റ് വേ ഹായില്‍ എക്‌സിക്യൂട്ടീവ് അംഗം റജീസ് ഇരിട്ടി അധ്യക്ഷത വഹിച്ചു. സാമൂഹിക പ്രവര്‍ത്തകന്‍ ചാന്‍സ റഹ്മാന്‍ ഉദ്ഘാടനം ചെയ്തു. നാട്ടിലെ ഓണാഘോഷങ്ങളുടെ അതേ ഗൃഹാതുരത്വത്തോടെ പ്രവാസ ലോകത്തും ഇത്തരം കൂട്ടായ്മകള്‍ സംഘടിപ്പിക്കുന്നത് പ്രവാസി മനസ്സുകള്‍ക്ക്

റിയാദ്: വേള്‍ഡ് മലയാളി ഫെഡറേഷന്‍ (ഡബ്ല്യുഎംഎഫ്) റിയാദ് കൗണ്‍സില്‍ ബാഡ്മിന്റണ്‍ ക്ലബ്ബിന്റെ ഔദ്യോഗിക ജഴ്‌സി പ്രകാശനം ചെയ്തു. റിയാദ് ദീദീസ് കോര്‍ട്ടില്‍ നടന്ന വര്‍ണാഭമായ ചടങ്ങില്‍ ജഴ്‌സിയുടെ അനാച്ഛാദനം നിര്‍വ്വഹിച്ചു.ഡബ്ല്യുഎംഎഫ് ഗ്ലോബല്‍ സ്‌പോര്‍ട്‌സ് ഫോറം കോര്‍ഡിനേറ്റര്‍ ഡൊമിനിക് സാവിയോ, റിയാദ് കൗണ്‍സില്‍ പ്രസിഡന്റ് ബിന്‍യാമിന്‍ ബില്‍റു, നാഷണല്‍ കമ്മറ്റി പ്രസിഡന്റ് നിസാര്‍ പള്ളികശ്ശേരി എന്നിവര്‍ ചേര്‍ന്നാണ് ജഴ്‌സി പുറത്തിറക്കിയത്. കായികരംഗത്ത് പ്രവാസി മലയാളി കൂട്ടായ്മകളുടെ പങ്കാളിത്തം കൂടുതല്‍ ശക്തിപ്പെടുത്തുന്നതിന്റെ ഭാഗമായാണ് പുതിയ ബാഡ്മിന്റണ്‍ ക്ലബ്ബിന്റെ പ്രയാണം. ചടങ്ങില്‍

തിരുവനന്തപുരം: പ്രവാസികള്‍ ഏറെ പ്രതീക്ഷയോടെ കാത്തിരുന്ന തിരുവനന്തപുരം-റിയാദ് നേരിട്ടുള്ള വിമാന സര്‍വീസ് വീണ്ടും യാഥാര്‍ഥ്യമാകുന്നു. ഇന്ത്യയുടെയും സൗദി അറേബ്യയുടെയും സിവില്‍ ഏവിയേഷന്‍ മന്ത്രാലയങ്ങളുടെ പൂര്‍ണ്ണ അനുമതിയോടെ എയര്‍ ഇന്ത്യ എക്‌സ്പ്രസ് റിയാദിലേക്ക് നേരിട്ട് സര്‍വീസ് നടത്തും. എന്നാല്‍, ഈ റൂട്ടില്‍ സര്‍വീസ് നടത്താനുള്ള സൗദി അറേബ്യന്‍ എയര്‍ലൈന്‍സിന്റെ (സൗദിയ) അപേക്ഷ കേന്ദ്ര സര്‍ക്കാര്‍ നിരസിച്ചു. ഇരുരാജ്യങ്ങളും തമ്മിലുള്ള ഉഭയകക്ഷി വ്യോമയാന കരാര്‍ പ്രകാരം ഇന്ത്യന്‍ എയര്‍ലൈനുകള്‍ക്ക് സൗദിയിലെ പ്രധാന വിമാനത്താവളങ്ങളിലേക്ക് സര്‍വീസ് നടത്തുന്നതിന് നിയമതടസ്സങ്ങളില്ല. സൗദി ജനറല്‍

റിയാദ്: റിയാദ്-തിരുവനന്തപുരം സെക്ടറില്‍ എയര്‍ ഇന്ത്യ എക്‌സ്പ്രസ് സര്‍വീസ് ഒക്ടോബര്‍ 26 മുതല്‍ പുനരാരംഭിക്കും. പശ്ചിമേഷ്യയിലെ സംഘര്‍ഷാവസ്ഥയെ തുടര്‍ന്ന് വ്യോമപാത അടച്ചതിനെ തുടര്‍ന്ന് കഴിഞ്ഞ മാര്‍ച്ച് ആദ്യവാരത്തിലാണ് സര്‍വീസ് നിര്‍ത്തിവച്ചിരുന്നത്. ആഴ്ചയില്‍ മൂന്ന് ദിവസമാണ് സര്‍വ്വീസ്. തിങ്കള്‍, ബുധന്‍, വെള്ളി ദിവസങ്ങളില്‍ തിരുവനന്തപുരത്തു നിന്ന് രാവിലെ 11.35ന് പുറപ്പെട്ട് സൗദി സമയം ഉച്ചയ്ക്ക് 3.05ന് റിയാദിലെത്തും. റിയാദി ല്‍നിന്ന് വൈകിട്ട് 4.05ന് പുറപ്പെട്ട് രാത്രി 11.50ന് തിരുവനന്തപുരത്ത് എത്തിച്ചേരും. തിരുവനന്തപുരം, കൊല്ലം, പത്തനംതിട്ട അടക്കമുള്ള തെക്കന്‍ ജില്ലകളിലെ

റിയാദ്: മുതിര്‍ന്ന മാധ്യമപ്രവര്‍ത്തകന്‍ ബി.വി. പവനന്‍ രചിച്ച് മാതൃഭൂമി ബുക്‌സ് പ്രസിദ്ധീകരിച്ച ‘രമേശ് ചെന്നിത്തല പിടിച്ചുകെട്ടിയ അഴിമതികള്‍’ റിയാദില്‍ പ്രകാശനം ചെയ്തു. ഒഐസിസി റിയാദ് സെന്‍ട്രല്‍ കമ്മിറ്റി സംഘടിപ്പിച്ച ‘ഗസ്റ്റ് ലെന്‍സ്’ പരിപാടിയില്‍ വെച്ച് ബി.വി. പവനനില്‍ നിന്ന് യഹിയ കൊടുങ്ങല്ലൂര്‍ പുസ്തകം ഏറ്റുവാങ്ങി. ഹ്രസ്വസന്ദര്‍ശനാര്‍ത്ഥം റിയാദിലെത്തിയ ബി.വി. പവനനെ ചടങ്ങില്‍ ആദരിച്ചു. ഒഐസിസി സെന്‍ട്രല്‍ കമ്മിറ്റി വൈസ് പ്രസിഡന്റ് മുഹമ്മദാലി മണ്ണാര്‍ക്കാട് ഉപഹാരം സമ്മാനിച്ചു. ഒഐസിസി നേതാക്കളായ നവാസ് വെള്ളിമാട്കുന്ന്, അബ്ദുള്ള വല്ലാഞ്ചിറ, മാധ്യമപ്രവര്‍ത്തകരായ നജീം

റിയാദ്: സമൂഹത്തില്‍ സംഭവിക്കുന്ന മാറ്റങ്ങളെ കൃത്യമായി അടയാളപ്പെടുത്തുന്നതിനൊപ്പം ജനങ്ങളുടെ ശബ്ദമായി മാറാനും കാലത്തിന്റെ സാക്ഷിയായി നിലകൊള്ളാനും മാധ്യമങ്ങള്‍ക്ക് കഴിയണമെന്ന് കേരള കൗമുദി പൊളിറ്റിക്കല്‍ വിഭാഗം മുന്‍ എഡിറ്ററും പ്രതിപക്ഷ നേതാവ് സ്ഥാനം വഹിച്ചിരുന്ന രമേശ് ചെന്നിത്തലയുടെ പ്രസ് സെക്രട്ടറിയുമായിരുന്ന ബി.വി. പവനന്‍. ഒഐസിസി റിയാദ് സെന്‍ട്രല്‍ കമ്മിറ്റി സംഘടിപ്പിച്ച ‘ഒഐസിസി ഗസ്റ്റ് ലെന്‍സ്’ പരിപാടിയില്‍ ‘മാധ്യമം, കാലം, സമൂഹം’ എന്ന വിഷയത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. സാങ്കേതികവിദ്യയുടെ വളര്‍ച്ച വാര്‍ത്താലോകത്ത് വലിയ മാറ്റങ്ങള്‍ വരുത്തിയെങ്കിലും സത്യാന്വേഷണം, വസ്തുനിഷ്ഠത,

റിയാദ്: സൗദി വ്യോമയാന മേഖലയില്‍ പുതിയ വിപ്ലവത്തിന് വഴിതുറന്ന് രാജ്യത്തിന്റെ ദേശീയ വിമാനക്കമ്പനി ‘സൗദിയ’യും പുതിയ വിമാനക്കമ്പനി ‘റിയാദ് എയറും’ കൈകോര്‍ക്കുന്നു. ഇരു വിമാനക്കമ്പനികളും തമ്മിലുള്ള ചരിത്രപരമായ സഹകരണ കരാറിന്റെ ഭാഗമായി സൗദിയയുടെ പാസഞ്ചര്‍ സര്‍വീസ് സിസ്റ്റവുമായി റിയാദ് എയര്‍ ബന്ധിപ്പിച്ചു. ഇതോടെ യാത്രക്കാര്‍ക്ക് ഒറ്റ ടിക്കറ്റില്‍ കണക്ഷന്‍ സര്‍വീസുകള്‍ ബുക്ക് ചെയ്യാനും, അവസാന ലക്ഷ്യസ്ഥാനത്തേക്ക് നേരിട്ട് ലഗേജ് ചെക്ക്ഇന്‍ ചെയ്യാനുമുള്ള സൗകര്യം ലഭ്യമാകും. റിയാദിലെ കിങ് ഖാലിദ് അന്താരാഷ്ട്ര വിമാനത്താവളത്തെ ഹബ്ബാക്കി സൗദിയ നടത്തുന്ന ആറ്

റിയാദ്: നാടിന്റെ ഓര്‍മകളും മലയാളിയുടെ ഒരിമയും സംഗമിച്ച് തിരുവോണം ആഘോഷിച്ച് പ്രവാസി മലയാളികള്‍. മലയാളി കൂട്ടായ്മകളുടെ പൊതുവേദിയായ ഫെഡറേഷന്‍ ഓഫ് റീജിയണല്‍ കേരളൈറ്റ്‌സ് അസോസിയേഷന്‍ (ഫോര്‍ക) സംഘടിപ്പിച്ച ‘ഉത്രാടപ്പാച്ചില്‍’ ശ്രദ്ധേയമായി. മുറബ്ബ അവന്യൂ മാള്‍ ലുലുവില്‍ നടന്ന ആഘോഷങ്ങളില്‍ പരമ്പരാഗത കേരളീയ വേഷങ്ങളണിഞ്ഞ് നൂറുകണക്കിന് മലയാളി കുടുംബങ്ങള്‍ ആഘോഷങ്ങളില്‍ പങ്കെടുത്തു. ഘോഷയാത്രയോടെ തുടങ്ങിയ ആഘോഷ പരിപാടികള്‍ക്ക് മാറ്റുകൂട്ടാന്‍ മാവേലിയും തെയ്യവും കാവടിയും പുലിക്കളിയും അണിനിരന്നു. ചെണ്ടമേളവും നാസിക് ഡോളും തിരുവാതിരയും കൈകൊട്ടിക്കളിയും നാടന്‍പാട്ടും സിനിമാറ്റിക് ഡാന്‍സും അരങ്ങില്‍

റിയാദ്: മാധ്യമപ്രവര്‍ത്തകനും സാംസ്‌കാരിക പ്രവര്‍ത്തകനുമായ താഹ കൊല്ലേത്തിന്റെ നിര്യാണത്തില്‍ റിയാദ് ഇന്ത്യന്‍ മീഡിയ ഫോറം (റിംഫ്) അനുശോചനവും അറിയിച്ചു. 25 വര്‍ഷമായി സൗദി അറേബ്യയിലെ ജിസാന്‍ കേന്ദ്രീകരിച്ച് മാധ്യമ, സാമൂഹിക, സാംസ്‌കാരിക രംഗങ്ങളില്‍ നിറസാന്നിധ്യമായിരുന്ന അദ്ദേഹത്തിന്റെ വിയോഗം ഞെട്ടലോടെയാണ് പ്രവാസി ലോകം ശ്രവിച്ചത്. ജിസാനിലെ ‘ജല’ സാംസ്‌കാരിക സംഘടനയുടെ സ്ഥാപക നേതാക്കളിലൊരാളാണ്. കേരള സര്‍ക്കാരിന്റെ സാംസ്‌കാരിക വകുപ്പിന് കീഴിലുള്ള മലയാളം മിഷന്‍ സൗദി ചാപ്റ്ററര്‍ പ്രഥമ സെക്രട്ടറിയും നിലവിലെ ചെയര്‍മാനുമായിരുന്നു. തമിഴ്‌നാട്ടിലെ തെങ്കാശിയില്‍ കുടുംബത്തോടൊപ്പം സഞ്ചരിക്കവേ വാഹനാപകടത്തിലാണ്