വിമാനനിരക്ക് നിയന്ത്രണം: സുപ്രീം കോടതി ഇടപെടലില് പ്രതീക്ഷയോടെ പ്രവാസികള്
റിയാദ്: പ്രവാസികളെ പിഴിഞ്ഞൂറ്റുന്ന അമിത വിമാനനിരക്ക് നിയന്ത്രിക്കാന് കൃത്യമായ ചട്ടക്കൂട് വേണമെന്ന ആവശ്യവുമായി തിരുവനന്തപുരം സൗദി പാസഞ്ചേഴ്സ് ഫോറം. ഈ വിഷയത്തില് സുപ്രീം കോടതിയുടെ ഭാഗത്തുനിന്നുണ്ടായ ഇടപെടലിനെ ഫോറം സ്വാഗതം ചെയ്തു. ലക്ഷക്കണക്കിന് സാധാരണക്കാരായ പ്രവാസികള്ക്ക് വലിയ പ്രതീക്ഷ നല്കുന്നതാണ് കോടതി നിലപാടെന്ന് ഭാരവാഹികള് വാര്ത്താക്കുറിപ്പില് അറിയിച്ചു. സീസണ് സമയങ്ങളിലും സ്കൂള് അവധിക്കാലങ്ങളിലും വിമാനക്കമ്പനികള് നടത്തുന്ന കൊള്ളയടി ഗള്ഫ് പ്രവാസികളുടെ കുടുംബ ബജറ്റുകളെ പൂര്ണ്ണമായും തകര്ക്കുകയാണ്. അടിയന്തര സാഹചര്യങ്ങളില് നാട്ടിലെത്തേണ്ടി വരുന്നവര്ക്ക് പോലും ടിക്കറ്റ് നിരക്ക് താങ്ങാനാവുന്നില്ല. […]
