പന്നിക്കൊഴുപ്പടങ്ങിയ ഭക്ഷ്യവസ്തുക്കള് വിപണിയിലില്ല: സൗദി ഫുഡ് ആന്റ് ഡ്രഗ് അതോറിറ്റി
റിയാദ്: സൗദി വിപണിയില് ലഭ്യമായ ബിസ്കറ്റുകളില് പന്നിക്കൊഴുപ്പ് അടങ്ങിയിട്ടില്ലെന്ന് സൗദി ഫുഡ് ആന്റ് ഡ്രഗ് അതോറിറ്റി. രാജ്യത്തെ വിപണിയില് വില്ക്കുന്ന ഭക്ഷ്യവസ്തുക്കളെല്ലാം ഹലാല് വിഭവങ്ങളാണ്. വിപണിയിലുളള മുഴുവന് ഭക്ഷ്യവസ്തുക്കളും നിരന്തരം നിരീക്ഷിക്കാന് സംവിധാനം ഉണ്ട്. എസ്എഫ്ഡിഎ അംഗീകൃത മാനദണ്ഡങ്ങള് പാലിക്കുന്നുണ്ടെന്ന് ഉറപ്പുവരുത്തുകയും ചെയ്യുന്നുണ്ട്. ഓറിയോ ബിസ്കറ്റില് പന്നിക്കൊഴുപ്പ് അടങ്ങിയിട്ടുണ്ടെന്ന് വാര്ത്ത പ്രചരിച്ചിരുന്നു. ഈ സാഹചര്യത്തിലാണ് സൗദി ഫുഡ് ആന്റ് ഡ്രഗ് അതോറിറ്റിയുടെ വിശദീകരണം.
