gulf

റിയാദ്: കോവിഡ് 19 ന്റെ വ്യാപനം തടയുന്നതിന് ആഭ്യന്തര ഗതാഗത സംവിധാനങ്ങളും സൗദിയില്‍ താല്‍ക്കാലികമായി നിര്‍ത്തുന്നു. ആഭ്യന്തര വിമാനങ്ങള്‍, ട്രെയിനുകള്‍, ബസുകള്‍, ടാക്‌സികള്‍ എന്നിവ 14 ദിവസത്തേക്ക് നിര്‍ത്തിവച്ചതായി സൗദി പ്രസ് ഏജന്‍സി അറിയിച്ചു. 2020 മാര്‍ച്ച് 21 ശനിയാഴ്ച രാവിലെ 6 മുതല്‍ പുതിയ നടപടി പ്രാബല്യത്തില്‍ വരുമെന്ന് ആഭ്യന്തര മന്ത്രാലയത്തെ ഉദ്ധരിച്ച് എസ്പിഎ റിപ്പോര്‍ട്ടു ചെയ്തു. രാജ്യത്തു ഇതുവരെ 274 കോവിഡ് 19 ബാധ റിപ്പോര്‍ട്ട് ചെയ്തിട്ടുണ്ടെന്ന് ആരോഗ്യമന്ത്രാലയം അറിയിച്ചു. സിവില്‍ ഏവിയേഷന്‍ അതോറിറ്റി […]

റിയാദ്: കൊവിഡ് 19 മഹാമാരിയെ നേരിടാനും അതിന്റെ പ്രതിഫലനങ്ങള്‍ പരമാവധി കുറക്കാനും ആവശ്യമായ എല്ലാ മുന്‍കരുതല്‍ നടപടികളും സ്വീകരിച്ചിട്ടുണ്ടെന്ന് ഭരണാധികാരി സല്‍മാന്‍ രാജാവ് പറഞ്ഞു. ടെലിവിഷനില്‍ രാജ്യത്തെ അഭിസംബോധന ചെയ്തു സംസാരിക്കുകയായിരുന്നു രാജാവ്. രാജ്യത്തിന്റെ കരുത്ത്, ശക്തി എന്നത് ആരോഗ്യമുളള ജനതയാണ്. അതുകൊണ്ടുതന്നെ രാജ്യവും ഭരണകൂടവും നല്‍കുന്ന മുന്‍ഗണന ജനങ്ങളുടെ ആരോഗ്യ സുരക്ഷയാണ്. ഇതിന് രാജ്യത്തെ മുഴുവന്‍ ഏജന്‍സികളുമായി ജനങ്ങളുടെ പൂര്‍ണ സഹകരണം ആവശ്യമാണ്. ഇതിലൂടെ മാത്രമേ കൊവിഡിനെതിരെയുളള പ്രതിരോധ ശ്രമങ്ങളില്‍ രാജ്യത്തിന് വിജയം നേടാന്‍ കഴിയൂകയുളളൂവെന്നും

നൗഫല്‍ പാലകാടന്‍. റിയാദ്: കൊവിഡ് പ്രതിരോധത്തിന് രാജ്യം സുസജ്ജമാണെന്ന് തിരുഗേഹങ്ങളുടെ സേവകന്‍ സല്‍മാന്‍ രാജാവ്. പുതിയ സാഹചര്യത്തെ നേരിടാനുള്ള എല്ലാ സംവിധാനവും രാജ്യത്ത് ഉണ്ടെന്ന് ഉറപ്പ് വരുത്തിയിട്ടുണ്ട്. വിദേശികള്‍ക്കും സ്വദേശികള്‍ക്കും ചികിത്സയും മരുന്നും ഉള്‍പ്പടെ മുഴുവന്‍ സൗകര്യങ്ങളും രാജ്യത്ത് ഒരുക്കിയിയിട്ടുണ്ടെന്നും രാജാവ് പറഞ്ഞു. കൊവിഡിന്റെ പശ്ചാത്തലത്തില്‍ ടെലിവിഷനില്‍ രാജ്യത്തെ അഭിസംബോധന ചെയ്തു സംസാരിക്കുകയായിരുന്നു രാജാവ്. വൈറസ് പ്രതിരോധ പ്രവര്‍ത്തനങ്ങള്‍ക്ക് പൊതുജനങ്ങളുടെ സഹായവും സഹകരണവുമാണ് ആവശ്യം. വൈറസ് വ്യാപനത്തെ തടയുന്നതിനുള്ള പ്രതിരോധ നടപടികളില്‍ രാജ്യം കരുതല്‍ നടപടികള്‍ കൂടുതല്‍

റിയാദ്: കൊവിഡ് വൈറസ് വ്യാപനം സൃഷ്ടിച്ച പ്രതികൂല സാഹചര്യം കണക്കിലെടുത്ത് സൗദി അറേബ്യ ഈ വര്‍ഷത്തെ ബജറ്റില്‍ നിന്ന് 50 ബില്യണ്‍ റിയാല്‍ വെട്ടിക്കുറയ്ക്കുമെന്ന് ധനമന്ത്രി മുഹമ്മദ് അല്‍ ജദ്ആന്‍. ക്രൂഡ് ഓയില്‍ വില കുറയുന്നതിന്റെ ആഘാതം തടയാന്‍ നടപടി സ്വീകരിക്കും. കൊവിഡ് വൈറസ് പൊട്ടിപ്പുറപ്പെട്ടതിന്റെ ഫലമായി ഉണ്ടാകുന്ന വെല്ലുവിളികളെ നേരിടാന്‍ രാജ്യത്തിനു കഴിയും. സുസ്ഥിരത നിലനിര്‍ത്താന്‍ സാമ്പത്തിക കരുത്തും ആസ്തിയും സൗദി അറേബ്യക്ക് ഉണ്ടെന്നും ധനമന്ത്രി മുഹമ്മദ് അല്‍ ജദ്ആന്‍പറഞ്ഞു. കൊവിഡ് വൈറസ് പ്രതിരോധം, ചികിത്സ,

നൗഫല്‍ പാലക്കാടന്‍ റിയാദ്: സൗദി അറേബ്യയില്‍ 36 പുതിയ കോവിഡ് കേസുകള്‍ സ്ഥിരീകരിച്ചു. ഇതോടെ രാജ്യത്തെ കോവിഡ് ബാധിതരുടെ എണ്ണം 274 ആയി ഉയര്‍ന്നു. റിയാദില്‍ 21, ഖതീഫ് നാല്, മക്ക മൂന്ന്, ദമ്മാം മൂന്ന്, ഹുഫൂഫ് മൂന്ന്, ജിദ്ദ ഒന്ന്, ദഹ്‌റാന്‍ ഒന്ന്, അസീര്‍ ഒന്ന്, എന്നിങ്ങനെയാണ് പുതിയ കൊവിഡ് വൈറസുകള്‍ റിപ്പോര്‍ട്ട് ചെയ്തത്. ഇന്ന് രണ്ട് പേര്‍ക്കും രോഗം ദേദമായതായി ആരോഗ്യ മന്ത്രാലയം അറിയിച്ചു. നേരത്തെ രോഗം ഭേദമായവരടക്കം സൗദിയില്‍ എട്ട് പേര്‍ രോഗ

നൗഫല്‍ പാലക്കാടന്‍ റിയാദ്: സൗദി അറേബ്യയില്‍ 67 പുതിയ കോവിഡ് കേസുകള്‍ സ്ഥിരീകരിച്ചു. ഇതോടെ രാജ്യത്തെ കോവിഡ് ബാധിതരുടെ എണ്ണം 238 ആയി ഉയര്‍ന്നു. ആരോഗ്യമന്ത്രാലയമാണ് ട്വിറ്ററിലൂടെ ഇക്കാര്യം അറിയിച്ചത്. റിയാദിൽ 19, കിഴക്കൻ പ്രവിശ്യയിൽ 23, ജിദ്ദ 13, മക്ക 11, അസീർ 1 എന്നീ സ്ഥലങ്ങളിൽ ആണ് പുതിയ കേസുകൾ റിപ്പോർട്ട് ചെയ്തത്. ആറുപേര്‍ക്ക് നേരത്തെ രോഗം സുഖപ്പെട്ടിരുന്നു. പുതിയ കേസുകള്‍ റിപ്പോര്‍ട്ട് ചെയ്ത സാഹചര്യത്തില്‍ രാജ്യം പ്രതിരോധ നടപടികള്‍ കൂടുതല്‍ കര്‍ശനമാക്കി. പുണ്യ

ദമ്മാം: സൗദിയില്‍ ആദ്യം കൊവിഡ് പ്രത്യക്ഷപ്പെട്ട കിഴക്കന്‍ പ്രവിശ്യയിലെ ഖത്തീഫില്‍ ആവശ്യമായ മുഴുവന്‍ ആരോഗ്യ സേവനങ്ങളും ഒരുക്കിയിട്ടുണ്ടെന്ന് അധികൃതര്‍. ഗര്‍ഭപരിചരണം, അര്‍ബുദം തുടങ്ങി തുടര്‍ ചികിത്സ ആവശ്യമുളളവര്‍ മറ്റു നഗരങ്ങളിലേക്ക് പോകേണ്ട സാഹചര്യമല്ലെന്നും അധികൃതര്‍ വ്യക്തമാക്കി. ഖത്തീഫിലെ ഗൈനക്കോളജി യൂണിറ്റ് 25 രോഗികള്‍ക്ക് സ്വകാര്യ ആശുപത്രിയില്‍ എല്ലാ ദിവസവും ആവശ്യമായ ചികിത്സ ലഭ്യമാക്കിയിട്ടുണ്ട്. യാത്രാ നിയന്ത്രണം ഏര്‍പ്പെടുത്തിയതിനെ തുടര്‍ന്ന് ഗൈനക്കോളജി സെന്റര്‍ സന്ദര്‍ശിക്കാന്‍ കഴിയാത്ത വര്‍ക്ക് ചികിത്സ ഉറപ്പുവരുത്തുന്നതിനാണ് സ്വകാര്യ ആശുപത്രിയില്‍ ചികിത്സ ലഭ്യമാക്കുന്നത്. കണ്‍സള്‍ട്ടന്റ് ഡോക്ടര്‍മാര്‍,

റിയാദ്: ജനിതക പരമ്പരകളുടെ ന്യൂ ജനറേഷന്‍ സാങ്കേതിക വിദ്യ ഉപയോഗിച്ച് പുതിയ കൊറോണ വൈറസിനെക്കുറിച്ച് ഗവേഷണം ആരംഭിക്കുമെന്ന് സൗദി നാഷണല്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ സെന്റര്‍. കോവിഡ് 19 അണുബാധയുടെ അതിര്‍വരമ്പുകള്‍ നിര്‍ണയിക്കുന്നതിനും രാജ്യത്തിനുള്ളില്‍ രോഗം പടരുന്നത് കണ്ടെത്തുന്നതിനും ഗവേഷണ പ്രവര്‍ത്തനങ്ങള്‍ സഹായിക്കുമെന്ന് കേന്ദ്രം അറിയിച്ചു. പകര്‍ച്ചവ്യാധി, സാംക്രമികേതര രോഗങ്ങള്‍, പരിക്കുകള്‍, മറ്റ് ആരോഗ്യ ഭീഷണികള്‍ എന്നിവ തടയുന്നതിനും നിയന്ത്രിക്കുന്നതിനുമാണ് ഗവേഷണം ലക്ഷ്യം വെക്കുന്നത്. ഇതിനു പുറമെ, ജനസംഖ്യക്കു ആനുപാതികമായി ജനങ്ങളുടെ ആരോഗ്യ സ്ഥിതി വിവരം,

‘നിങ്ങളുടെ കൈകളെ നിങ്ങള്‍ നാശത്തിലേക്ക് ഇടരുത്’ ‘നിങ്ങള്‍ നിങ്ങളെ തന്നെ വധിച്ചുകളയരുത്’ -വിശുദ്ധ ഖുര്‍ആന്‍ റിയാദ്: സൗദിയിലെ മസ്ജിദുകളില്‍ നമസ്‌കാരം താല്‍ക്കാലികമായി നിര്‍ത്തി വെക്കുകയാണ്. റിയാദില്‍ ചേര്‍ന്ന ഉന്നത പണ്ഡിത സഭയുടെ തീരുമാനപ്രകാരമാണ് ജുമുഅ ഉള്‍പ്പെടെ നിര്‍ത്തിവെക്കുന്നത്. വീടുകളിലും താമസ കേന്ദ്രങ്ങളിലും നമസ്‌കരിക്കാനാണ് നിര്‍ദേശം. വെളളിയാഴ്ച ജുമുഅക്ക് പകരം നാലു റകഅത്ത് വീടുകളില്‍ നമസ്‌കരിക്കണമെന്നും പണ്ഡിത സഭ നിര്‍ദേശിച്ചു. പതിറ്റാണ്ടുകള്‍ പിന്നിടുന്ന സൗദിയിലെ പ്രവാസത്തിനിടയില്‍ മസ്ജിദുകളില്‍ നമസ്‌കാരം നിര്‍ത്തിയ സംഭവം പ്രവാസികള്‍ക്ക് ഒരുപക്ഷേ ആദ്യമായിരിക്കും. ഇസ്‌ലാമിക ചരിത്രത്തില്‍

റിയാദ്: പ്രധാനമന്ത്രി നരേന്ദ്രമോദി സൗദി കിരീടാവകാശി പ്രിന്‍സ് മുഹമ്മദ് ബിന്‍ സല്‍മാനുമായി ടെലിഫോണില്‍ സംസാരിച്ചു. കൊവിഡ് 19ന്റെ വ്യാപനത്തെ തുടര്‍ന്നുള്ള ആഗോള സാഹചര്യങ്ങള്‍ ഇരുനേതാക്കളും ചര്‍ച്ച ചെയ്തു. ജനങ്ങളുടെ ആരോഗ്യത്തിന് പുറമെ സാമ്പത്തിക രംഗത്തെയും ഗുരുതരമായി ബാധിക്കുന്ന സവിശേഷ സാഹചര്യം അതിജീവിക്കാന്‍ യോജിച്ച പരിശ്രമങ്ങളുണ്ടാവണമെന്ന് പ്രധാനമന്ത്രി അഭിപ്രായപ്പെട്ടു. ഇന്ത്യ മുന്‍കൈയെടുത്ത് സാര്‍ക്ക് രാജ്യങ്ങളുടെ വീഡിയോ കോണ്‍ഫറന്‍സ് സംഘടിപ്പിച്ച കാര്യവും പ്രധാനമന്ത്രി പരാമര്‍ശിച്ചു. സമാനമായ രീതിയില്‍ ജി 20 രാജ്യങ്ങളുടെ യോഗം സൗദിയുടെ നേതൃത്വത്തില്‍ വിളിക്കണമെന്ന ഇന്ത്യയുടെ ആവശ്യത്തോട്

റിയാദ്: ഇന്ത്യാ സന്ദര്‍ശനം കഴിഞ്ഞെത്തിയ സൗദി പൗരന് കൊവിഡ് ബാധ സ്ഥിരീകരിച്ചു. ഇതിനു പുറമെ ജോര്‍ദാന്‍, ഒമാന്‍, ബ്രിട്ടന്‍, തുര്‍ക്കി, സ്വിറ്റ്‌സര്‍ലന്‍ഡ്, ഓസ്ട്രിയ എന്നീ രാജ്യങ്ങളില്‍ സന്ദര്‍ശനം നടത്തിയ 13 സ്വദേശി പൗരന്മാര്‍ക്കാണ് രോഗ ബാധ സ്ഥിരീകരിച്ചതെന്നും ആരോഗ്യ മന്ത്രാലയം അറിയിച്ചു. സ്‌പെയിനില്‍ നിന്നെത്തിയ ജോര്‍ദാന്‍ പൗരനും മൂന്ന് സ്വദേശി പൗരന്മാരും നേരത്തെ രോഗം സ്ഥിരീകരിച്ച വരുമായി സമ്പര്‍ക്കം പുലര്‍ത്തിയ രണ്ടു ഫിലിപ്പീന്‍ സ്വദേശികള്‍ക്കും രോഗം സ്ഥിരീകരിച്ചു. ഇവര്‍ റിയാദില്‍ ഐസൊലേഷനില്‍ കഴിയുകയാണ്. ജിദ്ദ, റിയാദ്, മക്ക,

റിയാദ്: കൊവിഡ് 19ന്റെ പശ്ചാത്തലത്തില്‍ സൗദി മന്ത്രിസഭാ യോഗം മാറ്റിവെച്ചു. ആരോഗ്യ മന്ത്രാലയത്തിന്റെ ശുപാര്‍ശയെ തുടര്‍ന്നാണ് നടപടി. രണ്ട് മന്ത്രിസഭാ യോഗങ്ങളാണ് മാറ്റിവെക്കാന്‍ തീരുമാനിച്ചത്. റോയല്‍ കോര്‍ട്ട്, മന്ത്രിസഭാ സെക്രട്ടേറിയറ്റ്, വിദഗ്ദ്ധ സമിതി എന്നിവയുടെ പ്രവര്‍ത്തനങ്ങളെ മന്ത്രി സഭാ യോഗം മാറ്റിവെച്ചത് ബാധിക്കില്ല. ഇവയുടെ കൃത്യനിര്‍വഹണം സാധാരണപോലെ തുടരും. പെരുന്നാള്‍ അവധി ദിവസങ്ങളിലും പൊതു ബജറ്റ് പ്രഖ്യാപനത്തിനു ശേഷവും മന്ത്രിസഭാ യോഗങ്ങള്‍ താല്‍ക്കാലികമായി നിര്‍ത്തിവെക്കുന്നതൊഴിച്ചാല്‍ മന്ത്രിസഭാ യോഗം മാറ്റിവെക്കുന്നത് അപൂര്‍വ്വമാണ്.