Saudi News

റിയാദ്: സ്വദേശിവത്ക്കരണ പദ്ധതിയായ നിതാഖാത്ത് പരിഷ്‌കരിക്കാനൊരുങ്ങി സൗദി അറേബ്യ. നിതാഖാത് മുത്വവര്‍ എന്ന പേരില്‍ നടപ്പിലാക്കുന്ന പദ്ധതി കൂടുതല്‍ തൊഴില്‍ മേഖലകളില്‍ സ്വദേശികളെ ആകര്‍ഷിക്കുന്ന വിധം രൂപകത്പ്പന ചെയ്യും. മാത്രമല്ല വിവിധ സവിശേഷതകള്‍ ഉള്‍പ്പെടുത്തിയാണ് പരിഷ്‌കരണം. ഇത് മൂന്നര ലക്ഷം സ്വദേശികള്‍ക്ക് തൊഴില്‍ കണ്ടെത്താന്‍ സഹായിക്കുമെന്നാണ് പ്രതീക്ഷിക്കുന്നത്. മാനവ വിഭവശേഷി സാമൂഹിക വികസന മന്ത്രാലയമാണ് നിതാഖാത്ത് പരിഷ്‌കരണ പദ്ധതി ആരംഭിച്ചത്. ആധുനിക തൊഴില്‍ വിപണിക്ക് അനുസൃതമായി തൊഴില്‍ വിപണിയെ സജ്ജീകരിക്കുകയാണ് ലക്ഷ്യം. ഇതു രാജ്യത്തെ അഭ്യസ്ഥവിദ്യരായ ഉദ്യോഗാര്‍ഥികള്‍ക്ക് […]

റിയാദ്: പിണറായി വിജയന്റെ നേതൃത്വത്തിലുളള ഇടതു സര്‍ക്കാരിനെ ഗള്‍ഫ് മലയാളി ഫെഡറേഷന്‍ അഭിനന്ദിച്ചു. പ്രവാസി ക്ഷേമത്തിനും പുനരധിവാസത്തിനും പുതിയ പദ്ധതികള്‍ നടപ്പിലാക്കണമെന്ന് അഭിനന്ദന സന്ദേശത്തില്‍ ആവശ്യപ്പെട്ടു. കൊവിഡ് മഹാമാരി പ്രവാസികളെ സാരമായി ബാധിച്ചിട്ടുണ്ട്. അവധിക്കു നാട്ടിലെത്തിയവര്‍ക്ക് മടങ്ങി വരാന്‍ കഴിഞ്ഞിട്ടില്ല. സൗദിയിലേക്കു മടങ്ങുന്നതിന് രണ്ടു ലക്ഷത്തിലധികമാണ് ചെലവ്. ഇതെല്ലാം പ്രവാസികളെ കൂടുതല്‍ പ്രതിസന്ധിയിലാക്കുന്നു. ഭവമില്ലാത്തവര്‍, സ്വന്തമായി ഭൂമിയില്ലാത്തവര്‍, മക്കളെ പഠിപ്പിക്കാന്‍ ശേഷിയില്ലാത്തതവര്‍, സ്വന്തം റേഷന്‍ കാര്‍ഡ്‌പോലും ഇല്ലാത്തവര്‍, രോഗികള്‍, മതിയായ ചികിത്സ ലഭിക്കാത്തവര്‍ ഇങ്ങനെ ദുരിതമനുഭവിക്കുന്ന ധാരാളം

റിയാദ്: സൗദി അറേബ്യയില്‍ നിന്ന് അവധിക്ക് പോയ വിദേശ തൊഴിലാളികളുടെ ഇഖാമയും റീ എന്‍ട്രിയും സൗജന്യമായി പുതുക്കി നല്‍കാന്‍ ഭരണാധികാരി സല്‍മാന്‍ രാജാവ് ഉത്തരവിട്ടു. ഇന്ത്യ ഉള്‍പ്പെടെയുളള രാജ്യങ്ങളില്‍ നിന്നു നേരിട്ടു വിമാന യാത്രക്കു അനുമതി ഇല്ലാത്ത സാഹചര്യത്തിലാണ് പ്രവാസികള്‍ക്ക് ആശ്വാസം നല്‍കുന്ന സുപ്രധാന പ്രഖ്യാപനം. ജൂണ്‍ 2 വരെ ഇഖാമ, റീ എന്‍ട്രി എന്നിവയുടെ കാലാവധി കഴിയുന്നവര്‍ക്ക് ആനുകൂല്യം ലഭിക്കും. സന്ദര്‍ശക വിസയില്‍ സൗദിയിലെത്താന്‍ ഇന്ത്യ ഉള്‍പ്പെടെയുളള രാജ്യങ്ങളില്‍ കഴിയുന്നവര്‍ക്കും വിസ സൗജന്യമായി നീട്ടി നല്‍കും.

റിയാദ്: സുബൈര്‍കുഞ്ഞു ഫൗണ്ടേഷന്‍ ലഹരി വിരുദ്ധ ബോധവല്‍ക്കരണ പരിപാടി ‘റിസ’യുടെ നേതൃത്വത്തില്‍ ‘ഒത്തൊരുമിക്കാം ലഹരിക്കെതിരെ’എന്ന വിഷയത്തില്‍ നടത്തിയ പ്രസംഗമത്സര വിജയികള്‍ക്ക് പ്രശംസാ ഫലകം സമ്മാനിച്ചു. ഇംഗ്ലീഷ് കാറ്റഗറി 3 വിഭാഗത്തില്‍ മൂന്നാം സ്ഥാനം ലഭിച്ച ജുബൈല്‍ ഇന്റര്‍നാഷണല്‍ ഇന്ത്യന്‍ സ്‌കൂളിലെ മലീഹ ജാവിദിനുള്ള പ്രശംസാഫലകവും പാരിതോഷികവും പ്രിന്‍സിപ്പല്‍ നൗഷാദ് അലി സമ്മാനിച്ചു. സ്‌കൂളില്‍ നടന്ന ചടങ്ങില്‍ റിസ സോണല്‍ കണ്‍വീനര്‍ ഷമീര്‍ യുസഫ്, പ്രതിനിധികളായ നൂഹ് പാപ്പിനിശ്ശേരി, മുഹമ്മദ് സഫയര്‍, എന്നിവര്‍ പങ്കെടുത്തു.

ഇബ്രാഹിം സുബ്ഹാന്‍, റിയാദ് ചില മരണങ്ങള്‍ വല്ലാത്തൊരു വേദനയായി മനസ്സില്‍ നിറയും. മെയ് 22ന് രാത്രി റിയാദിലെ ഇന്ത്യന്‍ സമൂഹത്തെ ഞെട്ടിച്ചുകൊണ്ടാണ് ഡോ. കെ റഹ്മതുളളയുടെ വിയോഗ വാര്‍ത്ത വന്നത്. ചെന്നൈയിലെ പോരൂരിനടുത്ത രാമപുരം സ്വദേശിയായ അദ്ദേഹത്തെ അമ്പതാമത്തെ വയസ്സിലാണ് മരണം കവര്‍ന്നെടുത്തത് എന്നതാണ് വേദന ഇരട്ടിപ്പിക്കുന്നു. കഴിഞ്ഞ ഏതാനും ദിവസമായി അദ്ദേഹം കോവിഡിന്റെ പിടിയിലായിരുന്നു. എന്നാല്‍ ശനിയാഴ്ച രാത്രിയോടെ കാര്യങ്ങള്‍ കൈവിട്ടുപോയെന്നാണ് അറിയുന്നത്. നാഥന്‍ അദ്ദേഹത്തിന്റെ സ്വര്‍ഗ്ഗ പ്രവേശം സാധ്യമാക്കട്ടെ എന്ന പ്രാര്‍ത്ഥന മാത്രം. അല്‍

റിയാദ്: തെരുവില്‍ പുളളിപ്പുലി. സ്വദേശി ബാലികയാണ് പുളളിപ്പുലിയുമായി തെരുവിലിറങ്ങിയത്. കഴുത്തില്‍ കയറിട്ട് വളര്‍ത്തു മൃഗങ്ങളെ കൊണ്ടുപോകുന്നതുപോലെ പുളളിപ്പുലിയുമായി കാറിലാണ് ബാലിക എത്തിയത്. പുലിയെ കാറില്‍ നിന്നു പുറത്തിറക്കി റോഡിലൂടെ നീങ്ങുന്ന ദൃശ്യങ്ങള്‍ സാമൂഹിക മാധ്യമങ്ങളില്‍ വൈറലായി. റോഡിലിറങ്ങിയ പുലിയെ കയറില്‍ പിടിച്ചു വലിച്ച് നിയന്ത്രണത്തില്‍ കൊണ്ടുവരാന്‍ ശ്രമിക്കുന്നതും ദൃശ്യങ്ങളില്‍ വ്യക്തമാണ്. വീഡിയോ ശ്രദ്ധയില്‍പെട്ടതോടെ ചിലര്‍ ദേശീയ വന്യമൃഗ കേന്ദ്രത്തില്‍ പരാതി അറിയിച്ചു. നിയമ ലംഘനം ഗൗരവമായി പരിഗണിച്ചിട്ടുണ്ടെന്നും നിയമ നടപടി സ്വീകരിക്കുമെന്നും അധികൃതര്‍ വ്യക്തമാക്കി. സൗദിയില്‍ വന്യജീവികളെ

റിയാദ്: സൗദി അറേബ്യയിലേക്കു വരുന്നവരുടെ അധികം മൂല്യമുളള ലഗേജിന് നികുതി ബാധകമാണെന്ന് സകാത്ത്, ടാക്‌സ് ആന്റ് കസ്റ്റംസ് അതോറിറ്റി. വ്യക്തിഗത സാധനങ്ങള്‍ 3,000 റിയാലില്‍ കൂടുതലാണെങ്കില്‍ ഇറക്കുമതി തീരുവ ചുമത്തും. നാലംഗ കുടുംബത്തിന് പരമാവധി 12,000 റിയാലിന്റെ സാധനങ്ങള്‍ മാത്രമാണ് നികുതി ഇല്ലാതെ കൊണ്ടുവരാന്‍ കഴിയുക. ഇതു വ്യക്തിഗത ഉപയോഗത്തിനുളള സാധനങ്ങളായിരിക്കണം. വില്‍പ്പനക്കുളള സാധനങ്ങള്‍ പാസഞ്ചര്‍ ലഗേജായി കൊണ്ടുവരാന്‍ അനുവദിക്കില്ല. സ്വദേശികളും വിദേശികളും വിദേശയാത്ര കഴിഞ്ഞ് വന്‍തുകയുടെ സാധനങ്ങള്‍ വ്യക്തിഗത ആവശ്യത്തിനെന്ന വ്യാജേന കൊണ്ടുവരുന്നത് പതിവാണ്. ഇന്ത്യക്കാര്‍

റിയാദ്: പ്രമുഖ റീട്ടെയില്‍ വിതരണ ശൃംഖല സിറ്റി ഫ്‌ളവറില്‍ ബയ് വണ്‍ ഗറ്റ് വണ്‍ ഓഫര്‍ പ്രഖ്യാപിച്ചു. ജൂണ്‍ 7 വരെ ഓഫര്‍ ലഭ്യമാണ്. സൗന്ദര്യ വര്‍ധക വസ്തുക്കള്‍, സ്‌റ്റേഷനറി, ക്ലീനിംഗ് മെറ്റീരിയല്‍, അടുക്കള സാമഗ്രികള്‍, ഫുട്‌വെയര്‍, മെന്‍സ്-ലേഡീസ്-കിഡ്‌സ് റെഡിമെയ്ഡ് വസ്ത്രങ്ങള്‍ തുടങ്ങി വിവിധ ഡിപ്പാര്‍ട്ടുമെന്റുകളില്‍ തിരഞ്ഞെടുത്ത ഉത്പ്പന്നങ്ങളുടെ വിപുലമായ ശേഖരമാണ് ഓഫറില്‍ ഉള്‍പ്പെടുത്തിയിട്ടുളളത്. അല്‍കോബാര്‍, ബുറൈദ, ഹഫൂഫ്, അല്‍ ഖര്‍ജ് എന്നിവിടങ്ങളിലെ സിറ്റി ഫ്‌ളവര്‍ സൂപ്പര്‍മാര്‍ക്കറ്റ്, ഹൈപ്പര്‍മാര്‍ക്ക് ശാഖകളില്‍ ഓഫര്‍ ലഭ്യമാണെന്ന് മാനേജ്‌മെന്റ് അറിയിച്ചു.

റിയാ്വ്: കേരളത്തിന്റെ പുതുചരിത്ര പിറവിക്ക് നാന്ദി കുറിക്കുന്ന ഇടതുപക്ഷ മന്ത്രിസഭയുടെ സത്യപ്രതിജ്ഞ റിയാദ് നവോദയ പ്രവര്‍ത്തകര്‍ കേക്ക് മുറിച്ചും മധുരം വിതരണം ചെയ്തും ആഘോഷിച്ചു. മന്ത്രിമാരായി ജനകീയരായ പുതുമുഖങ്ങളെ നിയമിച്ച് അസാധാരണ മാതൃകയും ധീരതയുമാണ് സി പി ഐഎം കാണിച്ചതെന്ന് നവോദയ സംഘടിപ്പിച്ച യോഗത്തില്‍ ആമുഖപ്രഭാഷണം നടത്തിയ സെക്രട്ടറി രവീന്ദ്രന്‍ പറഞ്ഞു. പ്രവാസികള്‍ക്കുവേണ്ടി ഈ സര്‍ക്കാര്‍ നടപ്പിലാക്കിയ നിരവധി പദ്ധതികള്‍ക്ക് തുടര്‍ച്ചയും ഒപ്പം പുതിയ പദ്ധതികളും പ്രതീക്ഷിക്കുന്നതായി യോഗം ഉദ്ഘാടനം ചെയ്ത കുമ്മിള്‍ സുധീര്‍ അഭിപ്രായപ്പെട്ടു. പ്രസിഡന്റ്

തിരുവനന്തപുരം: വിദേശ യാത്ര ആവശ്യമുളള പ്രവാസികള്‍ക്ക് വാക്‌സിന്‍ ലഭ്യമാക്കുന്നതിന് നടപടി സ്വീകരിക്കുമെന്ന് മുഖ്യമന്ത്രി പിണറായി വിജയന്‍. വാക്‌സിനേഷന്‍ സര്‍ട്ടിഫിക്കറ്റില്‍ ആധാര്‍ നമ്പര്‍ ചേര്‍ക്കുന്നത് വിദേശ രാജ്യങ്ങളിലെത്തുന്ന ഇന്ത്യക്കാര്‍ക്ക് വിഷമം സൃഷ്ടിക്കുന്നുണ്ട്. അതുകൊണ്ടുതന്നെ സര്‍ട്ടിഫിക്കറ്റില്‍ പാസ്‌പോര്‍ട്ട്‌ നമ്പര്‍ ഉള്‍പ്പെടുത്തുന്നതിന് സൗകര്യം ഒരുക്കുമെന്നും മുഖ്യമന്ത്രി പറഞ്ഞു. കോവിഷീല്‍ഡ് വാക്‌സിന്‍ സ്വീകരിച്ചവര്‍ക്ക് ആറു മുതല്‍ എട്ട് ആഴ്ചകള്‍ക്കകം രണ്ടാമത്തെ ഡോസിന് അപ്പോയ്ന്റ്‌മെന്റ് നല്‍കിയിരുന്നത്. അത് 12 മുതല്‍ 16 ആഴ്ചയായി പുതുക്കി നിശ്ചയിച്ചത് പ്രവാസികള്‍ക്ക് തിരിച്ചടിയായി. ഈ സാഹചര്യത്തിലാണ് വിദേശത്തേക്ക് പോകേണ്ടവര്‍ക്ക്

ജിദ്ദ: ജുമുഅ പ്രാര്‍ത്ഥനക്കിടെ മക്കയിലെ മസ്ജിദുല്‍ ഹറമിലെ പ്രസംഗ പീഠത്തിലേക്ക് അതിക്രമിച്ച് കടക്കാന്‍ ശ്രമം. മെയ് 21ന് ജുമുഅ നമസ്‌കാരത്തിന് മുമ്പ് ഇമാം ഉത്‌ബോധന പ്രഭാഷണം നടത്തുന്നതിനിടെയാണ് വിശ്വാസികള്‍ക്കിടയില്‍ നിന്നു ഒരാള്‍ മുന്‍ നിരയിലേക്ക് പാഞ്ഞടുത്തത്. പ്രസംഗ പീഠത്തിന് സമീപം സുരക്ഷാ ഉദ്യോഗസ്ഥന്‍ ഇയാളെ തടഞ്ഞു. മല്‍പ്പിടുത്തം നടത്തി മുന്നോട്ടു നീങ്ങാനുളള ശ്രമം തടഞ്ഞ പൊലീസും സുരക്ഷാ ഉദ്യോഗസ്ഥരും ഞൊടിയിടയില്‍ ഇയാളെ കീഴ്‌പ്പെടുത്തി. ഇയാളെ അറസ്റ്റ് ചെയ്തതായി മക്ക മേഖലാ പൊലീസ് അറിയിച്ചു. ഉംറ കര്‍മം നിര്‍വഹിക്കുന്നതിനുളള

റിയാദ്: ബഹ്‌റൈന്‍ വഴി സൗദിയിലേക്കുളള യാത്രക്കും വിലക്ക് ഏര്‍പ്പെടുത്തിയതോടെ മലയാളികള്‍ ഉള്‍പ്പെടെയുളളവര്‍ കൂടുതല്‍ ദുരിതത്തില്‍. ബഹ്‌റൈനില്‍ താമസാനുമതി രേഖയുളള വിദേശികള്‍ക്ക് മാത്രമാണ് പ്രവേശനമെന്ന് കോവിഡ് പ്രതിരോധത്തിനുള്ള നാഷണല്‍ മെഡിക്കല്‍ ടാസ്‌ക് ഫോഴ്‌സ് അറിയിച്ചു. ഇന്ത്യ, പാകിസ്താന്‍, ബംഗ്ലാദേശ്, നേപ്പാള്‍, ശ്രീലങ്ക എന്നിവിടങ്ങളിലെ പൗരന്‍മാര്‍ക്കാണ് ബഹ്‌റൈന്‍ വിലക്കേര്‍പ്പെടുത്തിയത്. മെയ് 21 മുതല്‍ വിലക്ക് പ്രാബല്യത്തില്‍ വരും. നൂറുകണക്കിന് മലയാളികളും അവരുടെ കുടുംബാംഗങ്ങളും സൗദിയിലേക്ക് മടങ്ങാന്‍ ബഹ്‌റൈന്‍ വഴി വിസ നേടിയിരുന്നു. ഇവര്‍ക്ക് കനത്ത തിരിച്ചടിയാണ് ബഹ്‌റൈന്റെ പ്രഖ്യാപനം. സൗദിയിലേക്ക്

ഡോ. ഹസീന ഫുവാദ് കൊവിഡ് പ്രതിരോധ മാര്‍ഗങ്ങള്‍ എന്തെല്ലാമാണെന്ന് നാം ഒരുപാട് ചര്‍ച്ച ചെയ്തിട്ടുണ്ട്. കൊവിഡ് ബാധ നേരിട്ടാല്‍ എന്തൊക്കെ ചെയ്യണമെന്നും നമുക്ക് അറിയാം. എന്നാല്‍ കൊവിഡ് മുക്തി നേടിയവര്‍ നേരിടുന്ന ഫംഗസ് ബാധയെ സംബന്ധിച്ചാണ് ചില കാര്യങ്ങള്‍ പങ്കുവെക്കുന്നത്. ഇന്ത്യയിലെ പല സംസ്ഥാനങ്ങളിലും ബ്‌ളാക് ഫംഗസ് അഥവാ മ്യൂക്കര്‍മൈക്കോസിസ് പ്രത്യക്ഷപ്പെട്ടത് വാര്‍ത്തയായിരുന്നു. മാത്രമല്ല ബ്‌ളാക് ഫംഗസ് ബാധിച്ച് നിരവധി മരണവും റിപ്പോര്‍ട്ട് ചെയ്തു. കേരളത്തിലും കോവിഡാനന്തര രോഗമായി ബ്‌ളാക് ഫംഗസ് കണ്ടുതുടങ്ങി. അതുകൊണ്ടുതന്നെ ഇതിനെ നിസാരമായി