Saudi News

റിയാദ്: നിയമസഭാ തിരഞ്ഞെടുപ്പിനോടനുബന്ധിച്ച് ഒഐസിസി കോട്ടയം ജില്ലാ കമ്മിറ്റി സംഘടിപ്പിച്ച പ്രവചന മത്സരത്തില്‍ സാം വി. സാബു കോട്ടയം വിജയിച്ചു. 140 നിയോജക മണ്ഡലങ്ങളിലെ ഫലം യുഡിഎഫ് 102, എല്‍ഡിഎഫ് 35, എന്‍ഡിഎ 03 എന്നിങ്ങനെ കൃത്യമായി പ്രവചിച്ചാണ് സാം പുരസ്‌കാരത്തിന് അര്‍ഹനായത്. രാഷ്ട്രീയ സാഹചര്യങ്ങള്‍ കൃത്യമായി വിലയിരുത്തിയുള്ള പ്രവചനം നേരത്തെ കെഎംസിസി ഏര്‍പ്പെടുത്തിയ പുരസ്‌കാരത്തിനും സാമിനെ അര്‍ഹനാക്കിയിരുന്നു. ഒഐസിസി സെന്‍ട്രല്‍ കമ്മിറ്റിയുടെ തിരഞ്ഞെടുപ്പ് ആഘോഷ പരിപാടിയില്‍ റിയാദ് സെന്‍ട്രല്‍ കമ്മിറ്റി പ്രസിഡന്റ് സലീം കളക്കരയും കോട്ടയം […]

റിയാദ്: മൈലാഞ്ചിത്തളിരിന്റെ ഗന്ധവും ശവ്വാല്‍ രാവിന്റെ കിനാക്കളും കോര്‍ത്തിണക്കി മലപ്പുറം ജില്ലാ പ്രവാസി അസോസിയേഷന്‍ (മിഅ റിയാദ്) മെഹന്ദി ഫെസ്റ്റ് ഒരുക്കുന്നു. ബലിപെരുന്നാള്‍ ആഘോഷങ്ങള്‍ക്കു മുന്നോടിയായി റിയാദിലെ അല്‍ വഫ ഷോല മാളില്‍ മെയ് 22 വെള്ളി വൈകീട്ട് 7ന് ‘മെഹന്ദി ഫെസ്റ്റ് സീസണ്‍-3’ അരങ്ങേറും. കൈനിറയെ മൊഞ്ചുള്ള മൈലാഞ്ചി വരകള്‍ തീര്‍ക്കുന്നവര്‍ക്ക് സ്വര്‍ണ്ണനാണയം സമ്മാനിക്കും. പ്രവാസി വനിതാ ആര്‍ട്ടിസ്റ്റുകളുടെ വിരല്‍ത്തുമ്പിലെ വിസ്മയങ്ങള്‍ മാറ്റുരയ്ക്കുന്ന മൈലാഞ്ചി മത്സരമാണ് ഫെസ്റ്റിന്റെ പ്രധാന ആകര്‍ഷണം. ഇതിനു പുറമെ പുതുമുഖ കലാകാരന്മാരുടെ

ജിദ്ദ: ജിസിസി രാഷ്ട്രങ്ങളുടെ സമുദ്രപരിധി ലക്ഷ്യമിട്ടു നടത്തുന്ന വഞ്ചനാപരമായ നീങ്ങള്‍ക്കെതിരെ സൗദി മന്ത്രിസഭാ യോഗം ശക്തമായി അപലപിച്ചു. യുണൈറ്റഡ് അറബ് എമിറേറ്റ്‌സ്, ഖത്തര്‍, കുവൈത്ത് എന്നീ രാജ്യങ്ങളുടെ പ്രാദേശിക സമുദ്രപരിധിയില്‍ നത്തെുന്ന ആക്രമണങ്ങള്‍ അംഗീകരിക്കാനാവില്ലെന്നും യോസം വ്യക്തമാക്കി. സഊദി കിരീടാവകാശിയും പ്രധാനമന്ത്രിയുമായ പ്രിന്‍സ് മുഹമ്മദ് ബിന്‍ സല്‍മാന്റെ അധ്യക്ഷതയില്‍ ഇന്നലെ ജിദ്ദയില്‍ ചേര്‍ന്ന മന്ത്രിസഭാ യോഗത്തിലാണ് അയല്‍രാജ്യങ്ങള്‍ക്കെതിരായ ആക്രമണ നീക്കങ്ങളില്‍ കടുത്ത പ്രതിഷേധം അറിയിച്ചത്. ഗള്‍ഫ് രാജ്യങ്ങളുടെ സുരക്ഷയ്ക്കും സ്ഥിരതയ്ക്കും ഭീഷണിയാകുന്ന നടപടികള്‍ക്കെതിരെ സഊദി അറേബ്യയുടെ പൂര്‍ണ്ണ

റിയാദ്: രാജ്യത്തിന്റെ ആത്മാവായ മതേതരത്വവും ജനാധിപത്യവും സംരക്ഷിക്കാന്‍ ഭിന്നതകള്‍ മറന്ന് മതേതര ശക്തികള്‍ കൈകോര്‍ക്കണമെന്ന് സൗദി ഇന്ത്യന്‍ ഇസ്‌ലാഹി സെന്റര്‍ നാഷണല്‍ കൗണ്‍സില്‍ ആഹ്വാനം ചെയ്തു. വിദ്വേഷത്തിന്റെയും നശീകരണത്തിന്റെയും ശക്തികള്‍ സ്വാധീനം ഉറപ്പിക്കുന്നത് ആശങ്കാജനകമാണ്. ഭരണഘടനാ സ്ഥാപനങ്ങള്‍ ഭരണകര്‍ത്താക്കളുടെ താല്പര്യങ്ങള്‍ക്കനുസരിച്ച് നിലകൊള്ളുന്നത് ജനാധിപത്യത്തെ അട്ടിമറിക്കുന്നതിന് തുല്യമാണ്. -യോഗം അംഗീകരിച്ച പ്രമേയം വ്യക്തമാക്കി. പൗരന്മാരുടെ മൗലികാവകാശമായ വോട്ടവകാശത്തെയും തിരഞ്ഞെടുക്കാനുള്ള സ്വാതന്ത്ര്യത്തെയും അട്ടിമറിക്കാന്‍ നടക്കുന്ന നീക്കങ്ങള്‍ ഗൗരവതരമാണ്. വര്‍ഗീയ ശക്തികളെ പ്രതിരോധിക്കാന്‍ മതേതര വിശ്വാസികള്‍ക്കിടയില്‍ വിശാലമായ ഐക്യവും സഹകരണവും അനിവാര്യമാണെന്നും

റിയാദ്: തലസ്ഥാനത്തെ ഒഐസിസി പ്രവര്‍ത്തകുടെ സൗഹൃദ വാട്‌സ്ആപ്പ് ഗ്രൂപ്പില്‍ പക്ഷാഭേദം പുകയുന്നു. കെ.സി. വേണുഗോപാലിനെ അനുകൂലിക്കുന്നവരും പ്രതിപക്ഷ നേതാവ് വി.ഡി. സതീശന് വേണ്ടി വാദിക്കുന്നവരും തമ്മില്‍ ഗ്രൂപ്പില്‍ അരങ്ങേറിയത് സമാനതകളില്ലാത്ത വാക്‌പോര്. ഒടുവില്‍ വാദപ്രതിവാദങ്ങള്‍ പ്രതിരോധിക്കാന്‍ കഴിയാതെ വന്നതോടെ ഗ്രൂപ്പ് അഡ്മിനും കെപിസിസി വക്താവുമായ അഡ്വ. അനില്‍ ബോസ് ‘അഡ്മിന്‍ ഒണ്‍ലി’ നിയന്ത്രണം ഏര്‍പ്പെടുത്തി ഗ്രൂപ്പ് പൂട്ടി. അനില്‍ ബോസിന്റെ റിയാദ് സന്ദര്‍ശന വേളയില്‍ പരിചയപ്പെട്ട കോണ്‍ഗ്രസ് അനുകൂലികളെ ഉള്‍പ്പെടുത്തിയ വാട്‌സ്ആപ് ഗ്രൂപ്പാണ് അഡ്മിന്‍ ഒണ്‍ലിയാക്കിയത്. വി.ഡി.

ദമ്മാം: അക്ഷരങ്ങളുടെ മഷിഗന്ധം തേടി പ്രവാസലോകത്തെ വായനക്കാര്‍ ഒത്തുചേര്‍ന്നപ്പോള്‍ ‘സാഹിതീയം’ വേദിയായത് ലോകസാഹിത്യത്തിലെ രണ്ട് വിരുദ്ധ ധ്രുവങ്ങളിലുള്ള കൃതികളുടെ സംഗമം. സൗദി മലയാളി സമാജം ദമ്മാം ചാപ്റ്റര്‍ സംഘടിപ്പിച്ച പുസ്തകാവതരണവും ചര്‍ച്ചയും മാധവിക്കുട്ടിയുടെ ഗൃഹാതുരമായ ‘നീര്‍മാതളം പൂത്ത കാല’ത്തിലേക്കും ജോര്‍ജ് ഓര്‍വെലിന്റെ രാഷ്ട്രീയ വിക്ഷോഭമായ നോവല്‍ ‘1984’ലേക്കും പ്രവാസികളെ കൈപിടിച്ചു നടത്തി. ദമ്മാം റോസ് ഗാര്‍ഡന്‍ ഓഡിറ്റോറിയത്തില്‍ നടന്ന ചടങ്ങില്‍ എഴുത്തുകാരന്‍ സമദ് റഹ്മാന്‍ കൂടല്ലൂരും ഇന്ത്യന്‍ സ്‌കൂള്‍ വിദ്യാര്‍ത്ഥിനി ഫാത്തിമ ഷാനയും രണ്ട് കാലഘട്ടങ്ങളെ അനാവരണം

റിയാദ്: ആതുരസേവന രംഗത്ത് സ്‌നേഹത്തിന്റെയും കരുതലിന്റെയും നറുവെളിച്ചം തൂകുന്ന ഭൂമിയിലെ മാലാഖമാര്‍ക്കായി ഗള്‍ഫ് മലയാളി ഫെഡറേഷന്‍ (ജി.എം.എഫ്.) ഏര്‍പ്പെടുത്തിയ മദര്‍ തെരേസ കര്‍മ്മ പുരസ്‌കാരങ്ങള്‍ പ്രഖ്യാപിച്ചു. ലോക നഴ്‌സസ് ദിനത്തോടനുബന്ധിച്ച് ജിസിസിയിലെ വിവിധ രാജ്യങ്ങളിലെ 15 മലയാളി നഴ്‌സുമാരെ പുരസ്‌കാരത്തിന് തിരഞ്ഞെടുത്തത്. ആത്മസമര്‍പ്പണത്തിന്റെ പാതയില്‍ രോഗികള്‍ക്ക് സാന്ത്വനമേകുന്ന നഴ്‌സിംഗ് സമൂഹത്തോടുള്ള ആദരസൂചകമായാണ് ജി.എം.എഫ്. ബഹുമതി സമ്മാനിക്കുന്നത്. ജിഎംഎഫ് വിവിധ ജിസിസി രാജ്യങ്ങളില്‍ സംഘടിപ്പിക്കുന്ന പ്രൗഢ ചടങ്ങില്‍ പുരസ്‌കാരങ്ങള്‍ സമ്മാനിക്കും. നൂറിലധികം അപേക്ഷകളില്‍ നിന്നാണ് അര്‍ഹരായവരെ കണ്ടെത്തിയത്. യുഎഇയില്‍

റിയാദ്: സഹജീവി സ്‌നേഹത്തിന്റെ കുളിര്‍മഴയാകാന്‍ ‘ജീവസ്പന്ദനം’ വീണ്ടുമെത്തുന്നു. പ്രവാസി ലോകത്തെ കരുണയുടെ കൈയൊപ്പായ ‘കേളി’ കലാ സാംസ്‌കാരിക വേദിയുടെ സില്‍വര്‍ ജൂബിലി ആഘോഷങ്ങളുടെ ഭാഗമായി ഒന്‍പതാമത് മെഗാ രക്തദാന ക്യാമ്പ് മെയ് 15 വെള്ളിയാഴ്ച രാവിലെ 8 മുതല്‍ നടക്കും. വിശുദ്ധ ഹജ്ജ് കര്‍മ്മത്തിന് മുന്നോടിയായി റിയാദ് ബ്ലഡ് ബാങ്കിന്റെ സഹകരണത്തോടെ ബദിയയിലെ ഫ്ലമിംഗോ മാള്‍, മാര്‍ക് ആന്‍ഡ് സേവ് ഹൈപ്പര്‍മാര്‍ക്കറ്റിലാണ് ക്യാമ്പെന്ന് സംഘാടകര്‍ വാര്‍ത്താ സമ്മേളനത്തില്‍ പറഞ്ഞു. സൗദി ആരോഗ്യ മന്ത്രാലയത്തിന്റെ പിന്തുണയോടെ എട്ടു വര്‍ഷമായി

റിയാദ്: തളരാത്ത കരുണയുടെ തുരുത്തായി സേവനമനുഷ്ഠിക്കുന്ന നഴ്‌സിംഗ് സമൂഹത്തിന് സ്‌നേഹാദരങ്ങളുമായി കേളി കുടുംബവേദി. അസാധാരണ കര്‍മ്മശേഷിയില്‍ ലോകത്തിന് വെളിച്ചമാകുന്ന വനിതകളെ ആദരിക്കാനായി സംഘടിപ്പിക്കുന്ന ‘ജ്വാല അവാര്‍ഡ് 2026’ ഇത്തവണ നഴ്‌സിംഗ് ലോകത്തിന് സമര്‍പ്പിക്കും. മെയ് 15 വെള്ളിയാഴ്ച നടക്കുന്ന വിപുലമായ അവാര്‍ഡ് നിശയില്‍ റിയാദിലെ വിവിധ ആശുപത്രികളില്‍ നിന്നായി തിരഞ്ഞെടുക്കപ്പെട്ട നൂറിലധികം നഴ്‌സുമാരെ ആദരിക്കും. തിരഞ്ഞെടുത്ത മെയില്‍ നഴ്‌സുമാര്‍ക്ക് എക്‌സലന്‍സ് അവാര്‍ഡ് സമ്മാനിക്കുമെന്നും സംഘാടകര്‍ വാര്‍ത്താസമ്മേളനത്തില്‍ അറിയിച്ചു. നഴ്‌സിംഗ് സമൂഹത്തോടുള്ള ആദരത്തിനൊപ്പം പുതുതലമുറയുടെ സര്‍ഗവാസനകളെ തൊട്ടുണര്‍ത്തുന്ന മെഗാ

റിയാദ്: ഇന്ത്യയും സൗദി അറേബ്യയും തമ്മിലുള്ള വ്യാവസായിക, നിക്ഷേപ സഹകരണം കൂടുതല്‍ മേഖലകളിലേക്ക് വ്യാപിപ്പിക്കുന്നു. ഇന്ത്യന്‍ അംബാസഡര്‍ ഡോ. സുഹൈല്‍ ഖാന്‍, ജുബൈല്‍-യാമ്പു റോയല്‍ കമ്മീഷന്‍ പ്രസിഡന്റ് എഞ്ചി. ഖാലിദ് ബിന്‍ മുഹമ്മദ് അല്‍ സലീമുമായി നടത്തിയ കൂടിക്കാഴ്ചയിലാണ് ഇതുസംബന്ധിച്ച ചര്‍ച്ചകള്‍ നടന്നത്. എംബസി ഫസ്റ്റ് സെക്രട്ടറി വിപുല്‍ ബാവയും സന്നിഹിതനായിരുന്നു. ഇരുരാജ്യങ്ങളും തമ്മില്‍ തന്ത്രപ്രധാനമായ സാമ്പത്തിക ബന്ധം കൂടുതല്‍ കരുത്തുറ്റതാക്കുകയും പുതിയ നിക്ഷേപ സാധ്യതകളും നേതാക്കള്‍ വിശദമായ ചര്‍ച്ച നടത്തി. സഊദി അറേബ്യയുടെ വ്യാവസായിക വളര്‍ച്ചയില്‍

റിയാദ്: നിയമസഭാ തിരഞ്ഞെടുപ്പില്‍ യുഡിഎഫ് നേടിയ ഉജ്ജ്വല വിജയം ആഘോഷിച്ച് ഒഐസിസി റിയാദ് സെന്‍ട്രല്‍ കമ്മിറ്റി. എക്‌സിറ്റ് 18ലെ മര്‍വ്വ ഓഡിറ്റോറിയത്തില്‍ നടന്ന പരിപാടി രാഷ്ട്രീയ ആവേശവും കലാപ്രകടനങ്ങളും കോര്‍ത്തിണക്കിയ സംഗമമായി മാറി. നൂറുകണക്കിന് പ്രവര്‍ത്തകരും കുടുംബാംഗങ്ങളും പങ്കെടുത്തു. സെന്‍ട്രല്‍ കമ്മിറ്റി പ്രസിഡന്റ് സലീം കളക്കര പരിപാടി ഉദ്ഘാടനം ചെയ്തു. പ്രോഗ്രാം കണ്‍വീനര്‍ അമീര്‍ പട്ടണത്ത് അധ്യക്ഷത വഹിച്ചു. സെന്‍ട്രല്‍ കമ്മിറ്റി ജോയിന്റ് ട്രഷറര്‍ അബ്ദുല്‍ കരീം കൊടുവള്ളി ആമുഖ പ്രസംഗം നടത്തി. കേരളത്തിലെ ജനവിധി ജനാധിപത്യത്തിന്റെയും

റിയാദ്: റിയാദ്-തിരുവനന്തപുരം റൂട്ടിലെ വിമാനയാത്ര പ്രവാസികള്‍ക്ക് ദുരിതപൂര്‍ണ്ണമാകുന്നു. സര്‍വീസുകളുടെ കുറവും അമിത ടിക്കറ്റ് നിരക്കുമാണ് യാത്രക്കാരെ വലയ്ക്കുന്നത്. പശ്ചിമേഷ്യയിലെ സംഘര്‍ഷവും ഇന്ധനവില വര്‍ധനയും റൂട്ടിലെ സര്‍വീസുകളെ താറുമാറാക്കിയതായി ഗള്‍ഫ് മലയാളി ഫെഡറേഷന്‍ (ജിഎംഎഫ്) ജിസിസി കമ്മിറ്റി ചൂണ്ടിക്കാട്ടി. റിയാദില്‍ നിന്ന് തിരുവനന്തപുരത്തേക്ക് നേരിട്ടുള്ള സര്‍വീസുകള്‍ ഇല്ലാത്തത് ആയിരക്കണക്കിന് പ്രവാസികളെയാണ് ബാധിക്കുന്നത്. നിലവില്‍ ഇന്‍ഡിഗോ, എയര്‍ ഇന്ത്യ, ഒമാന്‍ എയര്‍ തുടങ്ങിയ വിമാനങ്ങളുടെ കണക്ഷന്‍ ഫ്‌ലൈറ്റുകളെ മാത്രമാണ് യാത്രക്കാര്‍ക്ക് ആശ്രയിക്കാന്‍ കഴിയുന്നത്. സര്‍വീസുകള്‍ വെട്ടിക്കുറച്ചതോടെ പ്രതിവാര ഫ്‌ളൈറ്റുകളുടെ എണ്ണത്തിലും

ജിസാന്‍: സറൗദി ഇസ്ലാഹി സെന്റര്‍ കോര്‍ഡിനേഷന്‍ കമ്മിറ്റി നടത്തിവരുന്ന ഖുര്‍ആന്‍ ഹദീസ് ലേണിംഗ് കോഴ്‌സിന്റെ 13-ാം ഘട്ടത്തിന് ജിസാനില്‍ തുടക്കം. പദ്ധതിയുടെ ഭാഗമായി തയ്യാറാക്കിയ ലഘുഗ്രന്ഥത്തിന്റെ പ്രകാശനം ജിസാന്‍ മതകാര്യ വകുപ്പിലെ പ്രബോധകന്‍ ഷെയ്ഖ് മുഹമ്മദ് അല്‍ ഉസൈസ് നിര്‍വ്വഹിച്ചു. ആദ്യ കോപ്പി സുഫിയാന്‍ അല്‍ ഹികമി ഏറ്റുവാങ്ങി.വിശുദ്ധ ഖുര്‍ആനിലെയും ഹദീസുകളിലെയും അധ്യാപനങ്ങള്‍ ലളിതമായ രീതിയില്‍ പൊതുജനങ്ങളിലേക്ക് എത്തിക്കുന്നതിനായി രൂപകല്‍പ്പന ചെയ്തതാണ് പഠന പദ്ധതി. ചടങ്ങില്‍ ഇസ്ലാഹി സെന്റര്‍ പ്രതിനിധികളായ നൗഷാദ് പുതിയേടത്ത്, ഷംസീര്‍ സ്വലാഹി എന്നിവര്‍

റിയാദ്: മലയാളി ഡ്രൈവേഴ്‌സ് കൂട്ടായ്മ ‘സേഫ് വേ സാന്ത്വനം’ ഇസ്മ മെഡിക്കല്‍ സെന്ററിന്റെ സഹകരണത്തോടെ സൗജന്യ മെഡിക്കല്‍ ക്യാമ്പ് സംഘടിപ്പിച്ചു. രാവിലെ എട്ടു മുതല്‍ വൈകുന്നേരം അഞ്ചു വരെ നടന്ന ക്യാമ്പില്‍ ഒട്ടേറെ പേര്‍ ആരോഗ്യപരിശോധന നടത്തി. ബ്ലഡ് പ്രഷര്‍, ഷുഗര്‍, കൊളസ്‌ട്രോള്‍, ക്രിയേറ്റനിന്‍, ബി.എം.ഐ പരിശോധനകള്‍ക്ക് പുറമെ വിവിധ വിഭാഗങ്ങളിലെ വിദഗ്ധ ഡോക്ടര്‍മാരുടെ സേവനവും ക്യാമ്പില്‍ ലഭ്യമാക്കി. ജനറല്‍ മെഡിസിന്‍, നേത്രരോഗ വിഭാഗം, ഡന്റല്‍ വിഭാഗം എന്നിവിടങ്ങളില്‍ മലയാളികളായ ഡോക്ടര്‍മാരുടെ സേവനം പ്രയോജനപ്പെടുത്താന്‍ വന്‍ തിരക്കാണ്