Sauditimes

ദമ്മാം: സാമൂഹിക സാംസ്‌കാരിക പ്രവര്‍ത്തകനും ടി.പി.എം ഗ്രൂപ്പ് ചെയര്‍മാനുമായ ഡോ. ടി.പി. മുഹമ്മദിന്റെ കവിതാ സമാഹാരം ‘കാവ്യനിലാവ്’ ഉടന്‍ പുറത്തിറങ്ങും. പുസ്തകത്തിന്റെ കവര്‍ പ്രകാശനം ദമ്മാമില്‍ നടന്നു. ഡെസ്റ്റിനി ബുക്‌സ് ചെയര്‍മാന്‍ മാലിക് മഖ്ബൂല്‍ ചടങ്ങില്‍ അധ്യക്ഷത വഹിച്ചു. കിഴക്കന്‍ പ്രവിശ്യയിലെ സാംസ്‌കാരിക സാഹിത്യ രംഗത്തെ പ്രമുഖര്‍ പങ്കെടുത്ത ചടങ്ങില്‍ ചലച്ചിത്ര ഗാനരചയിതാവും തിരക്കഥാകൃത്തുമായ ഷിബു ചക്രവര്‍ത്തി മുഖ്യാതിഥിയായിരുന്നു. സിനിമാ നിര്‍മാതാവും വ്യവസായിയുമായ ജോളി ലോനപ്പന്‍, ഇന്ത്യന്‍ സ്‌കൂള്‍ അധ്യാപിക ഡോ. സിന്ധു ബിനുവിന് നല്‍കിയാണ് കവര്‍ […]

റിയാദ്: ചെയ്ത തെറ്റെന്തെന്നറിയാതെ നിയമക്കുരുക്കില്‍ പെട്ട് നെഞ്ചുരുകി കഴിഞ്ഞത് നീണ്ട രണ്ടര മാസം. ഒടുവില്‍, പ്രാര്‍ത്ഥനകള്‍ ഫലം കണ്ട സന്തോഷത്തില്‍ ആലപ്പുഴ പുന്നപ്ര കിഴവനതയ്യില്‍ അമീര്‍ ഹമീദ് (36) ജന്മനാട്ടിലേക്ക് വിമാനം കയറി. പശ്ചിമേഷ്യന്‍ സംഘര്‍ഷത്തിന്റെ കനലുകള്‍ക്കിടയില്‍ കുവൈത്തില്‍ നിന്ന് ദമ്മാം വഴി കൊച്ചിയിലേക്കുള്ള യാത്രയാണ് അമീറിന് കെണിയായത്. ഏതാനും വര്‍ഷങ്ങളായി അമീര്‍ കുവൈത്തിലാണ് ജോലി ചെയ്യുന്നത്. എന്നാല്‍ സംഘര്‍ഷം രൂക്ഷമായതോടെ കുവൈത്ത് വിമാനത്താവളം അടച്ചു. ഇതോടെ നാട്ടിലെത്താന്‍ മറ്റ് വഴികളില്ലാതെ, കഴിഞ്ഞ മാര്‍ച്ച് 14നാണ് റോഡ്

റിയാദ്: ഒന്നിച്ച് ജീവിക്കാന്‍ കൊതിച്ച് മറുനാട്ടിലേക്ക് വണ്ടി കയറിയവര്‍ ഒടുവില്‍ മരണത്തിന്റെ ഇടവേളകളില്‍ പരസ്പരം പിന്‍തുടര്‍ന്ന് ജീവനറ്റ ശരീരങ്ങളായി ജന്മനാട്ടിലേക്ക് മടങ്ങി. ഒരു മാസം മുമ്പ് ശുമേസി കിങ് ഫഹദ് മെഡിക്കല്‍ സിറ്റിയിലെ മലയാളി നഴ്‌സും ഭര്‍ത്താവും 15 ദിവസത്തെ വ്യത്യാസത്തിലാണ് ജീവിതം അവസാനിപ്പിച്ചത്. കോട്ടയം ചങ്ങനാശ്ശേരി തൃക്കൊടിത്താനം ആശാരിപ്പറമ്പില്‍ ലിധിയ തോമസ് (31), ഭര്‍ത്താവ് കോട്ടയം കടയനിക്കാട് ഒലിക്കുന്നേല്‍ ആല്‍ബിന്‍ തോമസ് (33) എന്നിവരാണ് ജീവനൊടുക്കിയത്. ഏതാനും വര്‍ഷങ്ങളായി സ്റ്റാഫ് നഴ്‌സായി ജോലി ചെയ്തിരുന്ന ലിധിയയോടൊപ്പം

ദമ്മാം: നിയമസഭാ തെരഞ്ഞെടുപ്പിലെ ‘ഇന്ദിരാ ഗ്യാരന്റി’ വാഗ്ദാനം നിറവേറ്റി കെ.എസ്.ആര്‍.ടി.സി ഓര്‍ഡിനറി ബസുകളില്‍ സ്ത്രീകള്‍ക്ക് സൗജന്യ യാത്ര അനുവദിച്ച സംസ്ഥാന സര്‍ക്കാര്‍ തീരുമാനം പ്രവാസ ലോകത്തും ആഘോഷമാക്കി ഒ.ഐ.സി.സി. ഈസ്‌റ്റേണ്‍ പ്രൊവിന്‍സ് വനിതാ വേദിയുടെ നേതൃത്വത്തില്‍ ദമ്മാമില്‍ മധുര വിതരണവും ആഹ്ലാദവും പങ്കുവെച്ചു.യു.ഡി.എഫ് സര്‍ക്കാര്‍ അധികാരത്തിലേറി ഒരു മാസം തികയുന്നതിന് മുന്‍പ് സ്ത്രീ ശാക്തീകരണ രംഗത്ത് നാഴികക്കല്ലാകുന്ന ‘പ്രിയദര്‍ശിനി’ പദ്ധതി നടപ്പിലാക്കിയ മുഖ്യമന്ത്രി വി.ഡി. സതീശന്‍, ഗതാഗത മന്ത്രി സി.പി. ജോണ്‍ എന്നിവരെയും മന്ത്രിസഭയെയും വനിതാ വേദി

ദമ്മാം: മഹാത്മാഗാന്ധി സര്‍വകലാശാല ബി.എസ്.സി ബയോ ഇന്‍ഫോമാറ്റിക്‌സ് പരീക്ഷയില്‍ മൂന്നാം റാങ്ക് നേടിയ തന്‍സീറ സിദ്ദീഖിനെ പ്രവാസി വെല്‍ഫെയര്‍ ആദരിച്ചു. ആലുവ തായ്ക്കാട്ടുകരയിലെ വസതിയിലെത്തി ക്യാഷ് അവാര്‍ഡും പ്രശംസാ ഫലകവും സമ്മാനിച്ചു. ദമ്മാം ഇന്റര്‍നാഷണല്‍ ഇന്ത്യന്‍ സ്‌കൂള്‍, അല്‍മുന സ്‌കൂള്‍ മുന്‍ വിദ്യാര്‍ത്ഥിനിയാണ് തന്‍സീറ. ഇരുപത്തഞ്ച് വര്‍ഷത്തിലധികമായി ദമ്മാമില്‍ പ്രവാസം നയിക്കുന്ന നാടക ഷോര്‍ട്ട് ഫിലിം പ്രവര്‍ത്തകനും പ്രവാസി വെല്‍ഫെയര്‍ എറണാകുളം-തൃശൂര്‍ ജില്ലാ എക്‌സിക്യൂട്ടീവ് അംഗവുമായ സിദ്ദീഖ് ആലുവ, നസീമ ദമ്പതികളുടെ മകളാണ്. പ്രവാസി സമൂഹത്തിനാകെ അഭിമാനം

റിയാദ്: ഒലയ കിങ് അബ്ദുല്ല റോഡിലെ സ്‌പെഷ്യലൈസ്ഡ് മെഡിക്കല്‍ സെന്ററിലെ മലയാളി ജീവനക്കാരുടെ സംഘടന ‘എസ്.എം.സി കൂട്ടായ്മ’ പതിന്നാലാം വാര്‍ഷികം ആഘോഷിച്ചു. ‘ഒത്തൊരുമയിലൂടെ മുന്നോട്ട്… സേവനത്തിലൂടെ വളരുന്നു’ എന്ന സന്ദേശമുയര്‍ത്തിയായിരുന്നു പരിപാടി. രക്ഷാധികാരി അനീഷ് എബ്രഹാം വാര്‍ഷികാഘോഷങ്ങള്‍ ഉദ്ഘാടനം ചെയ്തു. പ്രസിഡന്റ് റഫീഖ് പട്ടാമ്പി അധ്യക്ഷത വഹിച്ചു. ഇന്റര്‍നാഷണല്‍ ഇന്ത്യന്‍ സ്‌കൂള്‍ പ്രിന്‍സിപ്പല്‍ മൈമൂന അബ്ബാസ് മുഖ്യാതിഥിയായിരുന്നു. ഫൈസല്‍ മുനീര്‍ വാര്‍ഷിക റിപ്പോര്‍ട്ടും, ബേബി തോമസ് സാമ്പത്തിക റിപ്പോര്‍ട്ടും അവതരിപ്പിച്ചു. മികച്ച വിജയം നേടിയ വിദ്യാര്‍ത്ഥികളെ ചടങ്ങില്‍

ജിദ്ദ: റമദാന്‍ റിലീഫ് പ്രവര്‍ത്തനങ്ങളുടെ ഭാഗമായി ജിദ്ദ കെ.എം.സി.സി അല്‍ അബീര്‍ ഏരിയ കമ്മിറ്റി സമാഹരിച്ച ധനസഹായ ഫണ്ടുകള്‍ കൈമാറി. കേരളത്തിലെ നിര്‍ധനര്‍ക്ക് ആശ്വാസമേകുന്ന സി.എച്ച് സെന്റര്‍, ഷിഹാബ് തങ്ങള്‍ റിലീഫ് സെന്റര്‍, പ്രവാസി മെഡിക്കല്‍ സെന്റര്‍ എന്നിവയുടെ പ്രവര്‍ത്തനങ്ങള്‍ക്കായുള്ള പ്രത്യേക ഫണ്ടാണ് കൈമാറിയത്. ചടങ്ങില്‍ കെ.എം.സി.സി സെന്‍ട്രല്‍ കമ്മിറ്റി വൈസ് പ്രസിഡന്റ് റസാക്ക് മാസ്റ്റര്‍ ഏരിയ ഭാരവാഹികളില്‍ നിന്ന് ഫണ്ട് ഏറ്റുവാങ്ങി. റമദാന്‍ മാസത്തില്‍ നാട്ടിലെ കാരുണ്യ പ്രവര്‍ത്തനങ്ങള്‍ക്ക് പ്രവാസ ലോകത്തുനിന്ന് പരമാവധി പിന്തുണ ഉറപ്പാക്കുക

അല്‍ഖോബാര്‍: സാംസ്‌കാരിക കൂട്ടായ്മ ‘കനിവ്’ സാംസ്‌കാരിക വേദിയുടെ ഏഴാമത് കലാനിധി പുരസ്‌കാരം പ്രശസ്ത ഗാനരചയിതാവ് ഷിബു ചക്രവര്‍ത്തിയ്ക്ക് സമ്മാനിച്ചു. അല്‍ഖോബാര്‍ ക്ലാസിക് ഓഡിറ്റോറിയത്തില്‍ ‘പാടം പൂത്ത കാലം’ എന്ന പേരില്‍ സംഘടിപ്പിച്ച പ്രൗഢ ചടങ്ങിലായിരുന്നു പുരസ്‌കാര സമര്‍പ്പണം. പുരസ്‌കാര പ്രഖ്യാപനം ഷാജി പത്തിച്ചിറ നിര്‍വ്വഹിച്ചു. ബിജു ബേബി, ബിനോ കോശി എന്നിവര്‍ ചേര്‍ന്ന് പുരസ്‌കാരവും മംഗളപത്രവും ഷിബു ചക്രവര്‍ത്തിക്ക് സമ്മാനിച്ചു. പാട്ടോര്‍മ്മകളും സമകാലിക മലയാള ഗാനരചനാ രീതികളും ഷിബു ചക്രവര്‍ത്തി സദസ്യരുമായി പങ്കുവെച്ചു. സാംസ്‌കാരിക സമ്മേളനത്തില്‍ കനിവ്

റിയാദ്: ടിപിഎം ഗ്രൂപ്പ് ചെയര്‍മാനും റിയാദിലെ സാമൂഹിക സാംസ്‌കാരിക പ്രവര്‍ത്തകനുമായ ഡോ. ടി.പി. മുഹമ്മദ് രചിച്ച ‘ഒരു പ്രവാസിയുടെ ലോകസഞ്ചാരങ്ങള്‍: അമേരിക്ക മുതല്‍ തുര്‍ക്കിവരെ’ എന്ന പുസ്തകം പ്രകാശനം ചെയ്തു. എഴുത്തുകാരനും സാമൂഹിക പ്രവര്‍ത്തകനുമായ ജോസഫ് അതിരുങ്കല്‍ പുസ്തകം പ്രകാശനം ചെയ്തു. സാമ്പത്തിക, സാംസ്‌കാരിക, വിദ്യാഭ്യാസ രംഗത്തെ പ്രമുഖര്‍ ചടങ്ങില്‍ സംബന്ധിച്ചു. വായനക്കാരെ ഒപ്പംകൂട്ടി കാണാത്ത ലോകങ്ങളിലേക്ക് കൈപിടിച്ചു നടത്തുന്ന ശൈലിയാണ് പുസ്തകത്തിന്റേതെന്ന് ജോസഫ് അതിരുങ്കല്‍ പറഞ്ഞു. വാക്ചാരുത കൊണ്ട് ശില്പനിര്‍മ്മിതമാകുന്ന ദേശസഞ്ചാരമാണ് എഴുത്തുകാരന്‍ പുസ്തകത്തില്‍ ആവിഷ്‌കരിച്ചിരിക്കുന്നതെന്ന്

ദമ്മാം: കല്യാണി നായര്‍ രചിച്ച ഇംഗ്ലീഷ് കവിതാസമാഹാരം ‘ആംബിവലന്‍സ്’ ദമ്മാമില്‍ പ്രകാശനം ചെയ്തു. സൗദി മലയാളി സമാജം സംഘടിപ്പിച്ച ചടങ്ങില്‍ ഗാനരചയിതാവും തിരക്കഥാകൃത്തുമായ ഷിബു ചക്രവര്‍ത്തി പ്രകാശനം നിര്‍വ്വഹിച്ചു. വ്യവസായ പ്രമുഖന്‍ അഹമ്മദ് പുളിക്കല്‍ (വല്യാപ്പുക്ക) ഏറ്റുവാങ്ങി. കോഴിക്കോട് ഡെസ്റ്റിനി ബുക്‌സ് ആണ് പ്രസാധകര്‍. കവിതകള്‍ക്കൊപ്പം പുസ്തകത്തിലെ ചിത്രങ്ങളും കല്യാണിയുടെ ഭാവനയില്‍ വിരിഞ്ഞതാണ്. സമാജം പ്രസിഡന്റ് സാജിദ് ആറാട്ടുപുഴ അധ്യക്ഷത വഹിച്ചു. ചലച്ചിത്ര നിര്‍മാതാവും എഴുത്തുകാരനുമായ ജോളി ലോനപ്പന്‍ ഉദ്ഘാടനം ചെയ്തു. അധ്യാപികയും എഴുത്തുകാരിയുമായ മഞ്ജുഷ ലജിത്

റിയാദ്: സുബൈര്‍കുഞ്ഞ് ഫൗണ്ടേഷന്റെ ലഹരിവിരുദ്ധ കൂട്ടായ്മയായ ‘റിസ’ ലോക പുകയില വിരുദ്ധ ദിനാചരണത്തോടനുബന്ധിച്ച് സംഘടിപ്പിച്ച അന്താരാഷ്ട്ര പ്രസംഗ മത്സരത്തിലെ വിജയികളെ പ്രഖ്യാപിച്ചു. ‘നൂതന വിപണന തന്ത്രങ്ങളെ ചെറുക്കുക; നിക്കോട്ടിന്‍, പുകയില ആസക്തി തടയുക’ എന്ന വിഷയത്തില്‍ നടത്തിയ മത്സരത്തില്‍ വിവിധ രാജ്യങ്ങളില്‍ നിന്നായി ഇരുനൂറിലധികം വിദ്യാര്‍ത്ഥികള്‍ പങ്കെടുത്തു. സുബൈര്‍കുഞ്ഞ് അനുസ്മരണ ദിനത്തില്‍ നടന്ന ഓണ്‍ലൈന്‍ സമ്മേളനത്തില്‍ സംസ്ഥാന ചീഫ് സെക്രട്ടറി ഡോ. എ. ജയതിലക് പരിപാടി ഉദ്ഘാടനം ചെയ്തു. സംസ്ഥാന ലഹരി നിര്‍മാര്‍ജന പദ്ധതി ‘തുഫാ’നുമായി സഹകരിച്ച്

റിയാദ്: സംസ്ഥാനത്തിന്റെ ദീര്‍ഘകാല വളര്‍ച്ചയ്ക്കും സാമൂഹിക ക്ഷേമത്തിനും കരുത്തുപകരുന്ന പുരോഗമനപരമായ ബജറ്റ് അവതരിപ്പിച്ച മുഖ്യമന്ത്രി വി.ഡി. സതീശനെ അഭിനന്ദിച്ച് ആസ്റ്റര്‍ ഡിഎം ഹെല്‍ത്ത് കെയര്‍ സ്ഥാപകനും ചെയര്‍മാനുമായ ഡോ. ആസാദ് മൂപ്പന്‍. മാനവ വികസന സൂചകങ്ങളില്‍ എക്കാലവും മുന്നില്‍ നില്‍ക്കുന്ന കേരളത്തെ ഒരു ആഗോള വിജ്ഞാനനവീകരണ കേന്ദ്രമായി മാറ്റിയെടുക്കാന്‍ വരും വര്‍ഷങ്ങളില്‍ മൂന്ന് പ്രധാന മേഖലകളില്‍ ദൗത്യ പ്രാധാന്യത്തോടെയുള്ള ഇടപെടല്‍ വേണമെന്ന് അദ്ദേഹം പ്രസ്താവനയില്‍ പറഞ്ഞു. ആരോഗ്യ സംരക്ഷണം, കാര്‍ഷിക രംഗം, എഐ അധിഷ്ഠിത വിദ്യാഭ്യാസം എന്നിവയാകണം

റിയാദ്: പുനഃക്രമീകരിച്ച നീറ്റ് (യുജി) പരീക്ഷയുമായി ബന്ധപ്പെട്ട് റിയാദ് ഇന്റര്‍നാഷണല്‍ ഇന്ത്യന്‍ സ്‌കൂളിന് ജൂണ്‍ 21, 22 തീയ്യതികളില്‍ അവധി പ്രഖ്യാപിച്ചു. പരീക്ഷയുടെ ഭാഗമായി സ്‌കൂളും ഓഫീസും രണ്ടു ദിവസങ്ങളില്‍ പൂര്‍ണ്ണമായും അവധിയായിരിക്കുമെന്ന് അധികൃതര്‍ അറിയിച്ചു. ദേശീയതലത്തില്‍ നടത്തുന്ന സുപ്രധാന പരീക്ഷയുടെ സുഗമമായ നടത്തിപ്പിനായി സ്‌കൂളിലെ ഭൂരിഭാഗം അധ്യാപകരും ജീവനക്കാരും നിയോഗിക്കപ്പെട്ട സാഹചര്യത്തിലാണ് സ്‌കൂളിന് അവധി നല്‍കാന്‍ തീരുമാനിച്ചത്. അതേസമയം, വിദ്യാര്‍ത്ഥികളെ മുന്‍കൂട്ടി അറിയിച്ചിട്ടുള്ള സ്‌കൂള്‍ പരീക്ഷാ ഷെഡ്യൂളുകളില്‍ മാറ്റം ഉണ്ടാകില്ല. ജൂണ്‍ 23 മുതല്‍ നിശ്ചയിച്ച

റിയാദ്: കേരളത്തിന്റെ സാമ്പത്തിക ഭദ്രതയുടെ നട്ടെല്ലായ പ്രവാസി സമൂഹത്തെ പൂര്‍ണമായും അവഗണിച്ച സംസ്ഥാന ബജറ്റിനെതിരെ റിയാദിലെ കേളി കലാസാംസ്‌കാരിക വേദി പ്രതിഷേധിച്ചു. പ്രതിവര്‍ഷം ലക്ഷക്കണക്കിന് കോടി രൂപ നാട്ടിലേക്കയച്ച് സംസ്ഥാന സമ്പദ്‌വ്യവസ്ഥയെ താങ്ങിനിര്‍ത്തുന്നവരോടാണ് അവഗണന. പ്രവാസികളുടെ ക്ഷേമം, പുനരധിവാസം, നിക്ഷേപ സംരംഭങ്ങള്‍, സാമൂഹ്യ സുരക്ഷ എന്നിവ ഉറപ്പാക്കാന്‍ ബജറ്റില്‍ പുതിയ പദ്ധതികളോ പ്രഖ്യാപനങ്ങളോ ഇല്ലെന്നത് അങ്ങേയറ്റം പ്രതിഷേധാര്‍ഹമാണെന്ന് കേളി ചൂണ്ടിക്കാട്ടി. സംസ്ഥാനത്തിന്റെ വികസനത്തിലും ആഭ്യന്തര വിപണിയിലും നിര്‍ണായക പങ്കുവഹിക്കുന്ന പ്രവാസികളെ വെറും വിദേശനാണ്യ വരുമാന സ്രോതസ്സായി മാത്രം