Jeddah

റിയാദ്: സൗദി വിമാനത്താവളങ്ങള്‍ പ്രവര്‍ത്തിപ്പിക്കുന്നതിന് ആവശ്യമായ സൗരോര്‍ജ്ജം ഉത്പ്പാദിപ്പിക്കുമെന്ന് സിവില്‍ ഏവിയേഷന്‍ അതോറിറ്റി. കാര്‍ബണ്‍ പുറംതളളുന്നത് ഒഴിവാക്കാനുളള പദ്ധതിയുടെ ഭാഗമായാണ് നടപടി. രാജ്യത്തെ പ്രധാന വിമാനത്താവളങ്ങളില്‍ സൗരോര്‍ജ്ജം ഉപയോഗിക്കുന്നതിനുളള നടപടികള്‍ പുരോഗമിക്കുകയാണ്. എന്നാല്‍ ഏതൊക്കെ വിമാനത്താവളങ്ങളിലാണ് സൗരോര്‍ജ്ജം പ്രയോജനപ്പെടുത്തുക എന്നത് സംബന്ധിച്ച വിവരം സിവില്‍ ഏവിയേഷന്‍ അതോറിറ്റി വ്യക്തമാക്കിയിട്ടില്ല. റണ്‍വേയിലെ വൈദ്യുത വിളക്കുകള്‍, സിഗ്‌നല്‍, ഓപ്പറേഷന്‍ തുടങ്ങി വിമാനത്താവളങ്ങളിലെ മുഴുവന്‍ മേഖലകളിലും സൗരോര്‍ജ്ജം ഉപയോഗിക്കാനാണ് പദ്ധതി. പുനരുപയോഗ ഊര്‍ജ്ജം പ്രയോജനപ്പെടുത്തി വിവധ പദ്ധതികള്‍ രാജ്യത്ത് നടപ്പിലാക്കിയിട്ടുണ്ട്. ഇതിന്റെ […]

ജിദ്ദ: പ്രവാസി ബാര്‍ബേഴ്‌സ് കൂട്ടായ്മ ഫുട്‌ബോള്‍ ടൂര്‍ണമെന്റും മ്യൂസിക്കല്‍ നൈറ്റും സംഘടിപ്പിക്കുന്നു. നവംബര്‍ 22 തിങ്കള്‍ വൈകുന്നേരം 4 മുതല്‍ ജിദ്ദയിലെ വാദി മുറയ്യാദുറ വില്ലയിലാണ് പരിപാടി. 5ന് ഫുട്‌ബോള്‍ മത്സരം ആരംഭിക്കും. തുടര്‍ന്ന് ഗാനമേളയും അരങ്ങേറും. പ്രസിഡണ്ട് ഹാരിസ് പെരിന്തല്‍മണ്ണ അധ്യക്ഷത വഹിച്ചു. സെക്രട്ടറി ജുനൈസ് ബാബു നിലമ്പൂര്‍, വൈസ് പ്രസിഡണ്ട് മന്‍സൂര്‍ പുളിക്കല്‍, ജോയിന്റ് സെക്രട്ടറി സുബൈര്‍ വള്ളുവമ്പുറം, ഷമീര്‍ ഹെയര്‍ക്ലബ്, ട്രഷറര്‍ റിയാസ് ചാലിയം, കോ ട്രഷറര്‍ സാദത്ത് കരുവാരകുണ്ട്, ഉപദേശക സമിതി

റിയാദ്: സൗദിയിലെ ജുബൈലില്‍ കോഴിക്കോട് സ്വദേശി കൊല്ലപ്പെട്ട കേസില്‍ രണ്ട് മലയാളികള്‍ ഉള്‍പ്പെടെ ആറ് പ്രതികളുടെ വധശിക്ഷ അപ്പീല്‍ കോടതി ശരിവച്ചു. കോഴിക്കോട് മുക്കിലങ്ങാടി ഷമീര്‍ അഞ്ച് വര്‍ഷം മുമ്പ് മാലിന്യപ്പെട്ടിക്ക് സമീപം കൊല്ലപ്പെട്ട നിലയില്‍ കണ്ടെത്തുകയായിരുന്നു. തൃശൂര്‍ കൊടുങ്ങല്ലൂര്‍ ഏറിയാട് ചീനിക്കപ്പുറത്ത് നിസാം സാദിഖ്, കുറ്റിയാടി ആശാരിത്തൊടിക അജമല്‍ എന്നിവര്‍ക്ക് പുറമെ നാല് സ്വദേശികളും പ്രതികളാണ്. ഹവാല പണം ഏജന്റായിരുന്നു ഷമീര്‍. പണം കവര്‍ച്ച ചെയ്യാന്‍ ഷമീറിനെ തട്ടിക്കൊണ്ടുപോയി. മൂന്ന് ദിവസം പീഡിപ്പിച്ചെങ്കിലും പണം കെണ്ടെത്താന്‍

റിയാദ്: സൗദിയിലെ വിനോദ സഞ്ചാര കേന്ദ്രങ്ങളില്‍ മദ്യം ഉപയോഗിക്കാന്‍ അനുവദിക്കില്ലെന്ന് ടൂറിസം വകുപ്പ് മന്ത്രി അഹമദ് അല്‍ ഖതീബ്. പ്രത്യേക ടൂറിസ്റ്റ് കേന്ദ്രങ്ങളില്‍ മദ്യസത്ക്കാരത്തിന് അനുമതി നല്‍കുമെന്ന പ്രചാരണത്തോട് പ്രതികരിക്കുകയായിരുന്നു മന്ത്രി. അടുത്ത വര്‍ഷം അഞ്ച് കോടി വിനോദ സഞ്ചാരികള്‍ രാജ്യത്തെത്തുമെന്നാണ് പ്രതീക്ഷിക്കുന്നത്. ടൂര്‍ പാക്കേജുകളെ മന്ത്രാലയം പ്രോത്സാഹിപ്പിക്കുമെന്നും മന്ത്രി വ്യക്തമാക്കി.

റിയാദ്: അന്താരാഷ്ട്ര പുസ്തകോത്സവത്തിന് കൊടിയിറങ്ങി. സമാപന ദിനത്തില്‍ മസ്ജിദുല്‍ ഹറം ഇമാം ഡോ. അബ്ദുറഹ്മാന്‍ അല്‍ സുദൈസ് സന്ദര്‍ശനം നടത്തി. പുസ്തക മേളയുടെ സമാപന ദിനത്തില്‍ ഇരുഹറം കാര്യാലയം ജനറല്‍ പ്രസിഡന്‍സി മേധാവിയും ഹറം ഇമാമുമായ ഡോ. അബ്ദുറഹ്മാന്‍ അല്‍ സുദൈസ് സന്ദര്‍ശിച്ചു. സൗദി സമൂഹത്തില്‍ സ്ത്രീ സാന്നിധ്യം പ്രോത്സാഹിപ്പിക്കുമെന്ന് അദ്ദേഹം പറഞ്ഞു. അതിന്റെ ഭാഗമായി മക്കയിലെ മസ്ജിദുല്‍ ഹറമിലും മദീനയിലെ മസ്ജിദുന്നബവിയിലും ഇരുനൂറിലധികം വനിതകളെ നിയമിച്ചിട്ടുണ്ട്. ഡോക്ടറേറ്റും ബിരുദാനന്തര ബിരുദവും നേടിയ വനിതകള്‍ക്ക് അവസരം നല്‍കേണ്ടത്

റിയാദ്: സൗദിയില്‍ ബെനാമി സംരംഭകരെ പിടിച്ചുകെട്ടാന്‍ കര്‍ശന നടപടിയുമായി അധികൃതര്‍. ഇത്തരം ബിസിനസുകാരെ സംബന്ധിച്ച് വിവരം നല്‍കുന്ന ഉദ്യോഗസ്ഥര്‍ക്ക് പ്രമോഷനും ഇന്‍ക്രിമെന്റും ലഭിക്കും. ഇതിനു പുറമെ പിഴ സംഖ്യയുടെ നിശ്ചിത ശതമാനം പാരിതോഷികവും ലഭിക്കുമെന്ന് വാണിജ്യ മന്ത്രാലയം അറിയിച്ചു. ബെനാമികള്‍ക്കെതിരെ നിരീക്ഷണം ശക്തമാക്കിയതോടെ നിരവധി സംരംഭകര്‍ രാജ്യം വിടാനുളള ഒരുക്കത്തിലാണ്. അതേസമയം, 2022 ഫെബ്രുവരി വരെ ബെനാമി സംരംഭകര്‍ക്ക് നിയമ വിധേയമായി രാജ്യത്ത് വ്യവസായ വാണിജ്യ രംഗത്ത് പ്രവര്‍ത്തിക്കുന്നതിന് പദവി ശരിയാക്കാന്‍ അനുമതി നല്‍കിയിട്ടുണ്ട്. ഇതിന്റെ പ്രചാരണങ്ങള്‍ക്കൊപ്പം

റിയാദ്: സൗദിയില്‍ 24 മണിക്കൂറിനിടെ കൊവിഡ് ബാധിച്ച് രണ്ട് പേര്‍ മരിക്കുകയും 59 പേര്‍ക്ക് പുതുതായി രോഗം സ്ഥിരീകരിക്കുകയും ചെയ്തു. ചികിത്സയിലുളളവരില്‍ 139 പേരുടെ നില ഗുരുതരമാണ്. രാജ്യത്ത് 4 കോടി 34 ലക്ഷം പേര്‍ കൊവിഡ് വാക്‌സിന്‍ സ്വീകരിച്ചതായും ആരോഗ്യ മന്ത്രാലയം അറിയിച്ചു. അതേസമയം, രണ്ട് ഡോസ് വാക്‌സിന്‍ സ്വീകരിച്ചവര്‍ക്കും കൊവിഡ് ബാധിക്കാന്‍ സാധ്യതയുണ്ടെന്നും മുന്‍കരുതലും ജാഗ്രതയും ആവശ്യമാണെന്നും ആരോഗ്യ മന്ത്രാലയം വക്താവ് ഡോ. മുഹമ്മദ് അബ്ദുല്‍ ആലി പറഞ്ഞു. വാക്‌സിന്‍ സ്വീകരിക്കുന്നവരില്‍ വൈറസ് ആക്രമണത്തിന്റെ

റിയാദ്: ഷാഹീന്‍ ചുഴലിക്കാറ്റിനെതിരെ സൗദി അറേബ്യയില്‍ ജാഗ്രതാ നിര്‍ദേശം. ചുഴലിക്കാറ്റ് രാജ്യത്ത് പരോക്ഷമായി ബാധിക്കും. അതുകൊണ്ടുതന്നെ ജാസ്രത വേണമെന്ന് കാലാവസ്ഥാ നിരീക്ഷണ അതോറിറ്റി അറിയിച്ചു. ഷാഹീന്‍ ചുഴലിക്കാറ്റ് സൗദിയെ ബാധിക്കില്ലെന്നാണ് നേരത്തെ കാലാവസ്ഥാ നിരീക്ഷണ അതോറിറ്റി അറിയിച്ചത്. അതിര്‍ത്തിയായ റുബുഉല്‍ ഖാലി മരുഭൂമിക്ക് 700 കിലോ മീറ്റര്‍ അകലെയ ചുഴലിക്കാറ്റ് കടന്ന് പോകുമെന്നും അറിയിച്ചിരുന്നു. എന്നാല്‍ പരോക്ഷമായി രാജ്യത്തെ ബാധിക്കാന്‍ സാധ്യതയുണ്ടെന്ന് കാലാവസ്ഥാ നിരീക്ഷണ അതോറിറ്റി വക്താവ ഹുസൈന്‍ അല്‍ ഖഹ്താനി പറഞ്ഞു. രാജ്യത്തെ അന്തരീക്ഷതാപ നില

റിയാദ്: ജനവിരുദ്ധ കാര്‍ഷിക നിയമങ്ങള്‍ റദ്ധാക്കണമെന്നാവശ്യപ്പെട്ട് രാജ്യത്തെ കര്‍ഷക സംഘടകള്‍ ഒരു വര്‍ഷമായി തുടരുന്ന ഐതിഹാസിക സമരത്തിനു റിയാദ് നവോദയ ഐക്യദാര്‍ഢ്യം പ്രഖ്യാപിച്ചു. സെപ്റ്റംബര്‍ 27 ന് നടക്കുന്ന ഭാരത് ബന്ദ് വിജയിപ്പിക്കമെന്നും നവോദയ പ്രസ്താവനയില്‍ അഭ്യര്‍ത്ഥിച്ചു. ഭക്ഷണം കഴിക്കുന്ന മുഴുവന്‍ ജനങ്ങളും കര്‍ഷകരോടൊപ്പം കൈകോര്‍ക്കണം. സമരത്തിന് പിന്തുണ പ്രഖ്യാപിച്ച കേരളത്തിലെ ഇടതുപക്ഷ ജനാധിപത്യ മുന്നണിയെ നവോദയ അഭിനന്ദിച്ചു. രാജ്യത്തിന്റെ കാര്‍ഷികമേഖല ദേശീയ, അന്തര്‍ദേശീയ കോര്‍പ്പറേറ്റുകള്‍ക്ക് കൈമാറുന്നതിനായി പാര്‍ലമെന്റ് പാസാക്കിയ നിയമങ്ങള്‍ പിന്‍വലിക്കണമെന്ന് ആവശ്യപ്പെട്ട് ഇന്ത്യയിലെ കര്‍ഷകര്‍

റിയാദ്: ഇന്ത്യയില്‍ ത്രിദിന സന്ദര്‍ശനം നടത്തുന്ന സൗദി വിദേശ കാര്യ മന്ത്രി ഫൈസല്‍ ബിന്‍ ഫര്‍ഹാന്‍ അല്‍ സൗദിന് ന്യൂ ദല്‍ഹിയില്‍ ഊഷ്മള വരവേല്പ്. ഇന്ത്യന്‍ വിദേശ കാര്യ മന്ത്രി എസ് ജയശങ്കറുമായി നടത്തിയ ചര്‍ച്ചയില്‍ സൗദിയിലേക്ക് നേരിട്ടുളള വിമാന സര്‍വീസ് മുഖ്യ ചര്‍ച്ചാ വിഷയമായി. പ്രതിരോധം, സുരക്ഷ, വ്യാപാരം, നിക്ഷേപം, ഊര്‍ജ്ജം എന്നീ മേഖലകളില്‍ ഉഭയകക്ഷി ബന്ധം കൂടുതല്‍ വിപുലീകരിക്കുന്നതിനുളള വിവിധ വിഷയങ്ങളും ചര്‍ച്ച ചെയ്തു. താലിബാന്‍ ഭരണം ഏറ്റെടുത്ത അഫ്ഗാനിസ്ഥാനിലെ സംഭവ വികാസങ്ങളായിരുന്നു ചര്‍ച്ചയിലെ

ലണ്ടന്‍: യുകെ സര്‍ക്കാരിന്റെ നാഷണല്‍ ഹെല്‍ത് സര്‍വീസി(എന്‍എച്എസ്)ന് കീഴില്‍ പ്രവര്‍ത്തിക്കുന്ന വിവിധ ആശുപത്രികളിലേക്ക് റേഡിയോഗ്രാഫര്‍ തസ്തികയിലേക്ക് അപേക്ഷ ക്ഷണിച്ചു. റിക്രൂട്‌മെന്റ് പൂര്‍ണമായും സൗജന്യമാണ്. തെരഞ്ഞെടുക്കുന്ന ഉദ്യോഗാര്‍ത്ഥികള്‍ക്ക് വിമാന ടിക്കറ്റ് ഉള്‍പ്പെടെ മുഴുവന്‍ ചെലവും നിയമനം നല്‍കുന്ന സ്ഥാപനം വഹിക്കും. റിക്രൂടിംഗ് ഏജന്‍സിക്ക് സര്‍വീസ് ചാര്‍ജ് നല്‍കാനുളള ഉത്തരവാദിത്തവും നിയമന അധികാരിക്കള്‍ക്കാണ്. താല്‍പര്യമുളളവര്‍ bdo4@espanovus.uk എന്ന ഇമെയില്‍ വിലാസത്തില്‍ വിശദമായ ബയോഡാറ്റ അയക്കുക. സപ്പോര്‍ട്ടിംഗ് ഡോകുമെന്റുകളും പാസ്‌പോര്‍ട്ട് കോപ്പിയും അറ്റാച്ച് ചെയ്യേണ്ട ആവശ്യമില്ല, ബയോഡാറ്റാ പരിശോധിച്ച് യോഗ്യരായവരുടെ ഇമെയിലിലേക്ക്

റിയാദ്: ബഹ്‌റൈന്‍ വഴി സൗദിയിലേക്ക് യാത്രക്ക് അവസരം. നിരവധി ട്രാവല്‍ ഏജന്‍സികളാണ് സൗദിയിലേക്ക് ക്വാറന്റൈന്‍ പാക്കേജ് പ്രഖ്യാപിച്ചത്. ഇന്ത്യയെ റെഡ് ലിസ്റ്റില്‍ നിന്ന് ഒഴിവാക്കിയതോടെയാണ് ബഹ്‌റൈന്‍ വഴി സൗദിയിലേക്ക് യാത്രക്ക് അവസരം. മാലി. ഖത്തര്‍ തുടങ്ങിയ രാജ്യങ്ങള്‍ വഴിയാണ് നിലവില്‍ മലയാളികള്‍ ഉള്‍പ്പെടെയുളളവര്‍ സൗദിയിലെത്തുന്നത്. എന്നാല്‍ കുറഞ്ഞ ചെലവില്‍ ബഹ്‌റൈന്‍ വഴി സൗദിയിലെത്താന്‍ കഴിയുമെന്ന് ട്രാവല്‍ വൃത്തങ്ങള്‍ പറഞ്ഞു. മനാമയിലെത്തുന്നവരെ ക്വാറന്റൈന്‍ കാലാവധിയായ 14 ദിവസം പൂര്‍ത്തിയാക്കിയതിനെ് ശേഷം റോഡ് മാര്‍ഗം ദമ്മാമിലെത്തിക്കുമെന്നും ട്രാവല്‍ ഏജന്‍സികള്‍ അറിയിച്ചു.

റിയാദ്: സൗദിയില്‍ കൊവിഡ് ബാധിതരുടെ എണ്ണം തുടര്‍ച്ചയായ ദിവസങ്ങളില്‍ 200ല്‍ താഴെ മാത്രം. 24 മണിക്കൂറിനിടെ 174 പേര്‍ക്കാണ് പുതുതായി രോഗം സ്ഥിരീകരിച്ചത്. 202 പേര്‍ രോഗ മുക്തി നേടുകയംു ചെയ്തു. രാജ്യത്ത് ചികിത്സയിലുളള 2788 പേരില്‍ 803 പേരുടെ നില ഗുരുതരമാണെന്നും ആരോഗ്യ മന്ത്രാലയം അറിയിച്ചു. പുതുതായി കൊവിഡ് ബാധിക്കുന്നവരുടെ എണ്ണം ഗണ്യമായി കുറഞ്ഞതോടെ ജനജീവിതം സാധാരണ നിലയിലായിട്ടുണ്ട്. അതേസമയം, വന്‍കിട കമ്പനികളില്‍ ഇപ്പോഴും ഒന്നിടവിട്ട ദിവസങ്ങളിലാണ് ജീവനക്കാര്‍ ഹാജരാകുന്നത്. ഓഫീസിലെ തിരക്ക് കുറക്കുന്നതിനാണ് നടപടി.