gulf

മിദ്‌ലാജ് വലിയന്നൂര്‍ ബുറൈദ: മലയാളി നഴ്‌സ് ഹൃദയാഘാതം മൂലം മരിച്ചു. ഉനൈസ കിംഗ് സൗദ് ആശുപത്രി സ്റ്റാഫ് നേഴ്‌സ് ചങ്ങനാശ്ശേരി കുമരന്‍കേരി ചക്കുകുളം വീട്ടില്‍ ലിന്റു ലിസാ ജോര്‍ജ്ജ് (31) ആണ് മരിച്ചത്. ജൂലൈ 28 പുലര്‍ച്ചെ 3.45ന് ആരയിരുന്നു മരണം. ഒരു വര്‍ഷം മുമ്പായിരുന്നു വിവാഹം. ഭര്‍ത്താവ് ബിബിന്‍ കുര്യാക്കോസ് അഹമ്മദാബാദിലെ സര്‍ദാര്‍ വല്ലഭായ് പട്ടേല്‍ ആന്റ് റിസര്‍ച്ച് സെന്റര്‍ ആശുപത്രിയില്‍ മെയില്‍ നഴ്‌സ് ആണ്. 2015 മുതല്‍ കിംഗ് സൗദ് ആശുപത്രിയില്‍ ജോലി ചെയ്തുവരുകയായിരുന്നു. […]

റിയാദ്: വന്ദേ ഭാരത് മിഷന്‍ അഞ്ചാം ഘട്ട വിമാന സര്‍വീസുകളുടെ ഷെഡ്യൂള്‍ പ്രസിദ്ധീകരിച്ചു. ആഗസ്ത് ഒന്നു മുതല്‍ 12 വരെയുളള സര്‍വീസുകളുടെ വിവരം റിയാദ് ഇന്ത്യന്‍ എംബസിയാണ് പുറത്തുവിട്ടത്. സ്‌പൈസ് ജെറ്റ്, ഇന്‍ഡിഗോ എന്നീ വിമാന കമ്പനികള്‍ 16 സര്‍വീസുകള്‍ നടത്തും. കൂടുതല്‍ സര്‍വീസുകളുടെ വിവരം വരും ദിവസങ്ങളില്‍ വിദേശകാര്യ മന്ത്രാലയം പ്രഖ്യാപിക്കുമെന്നാണ് പ്രതീക്ഷിക്കുന്നത്. കേരളത്തിലേക്കുളള 10 സര്‍വീസുകളില്‍ റിയാദ്-കോഴിക്കോട് സെക്ടറില്‍ അഞ്ചും ജിദ്ദ-കോഴിക്കോട് സെക്ടറില്‍ മൂന്നും സര്‍വീസുകള്‍ നടത്തും. റിയാദില്‍ നിന്നു കൊച്ചി, കോഴിക്കോട് സെക്ടറിലേക്ക്

റിയാദ്: സൗദി ഫിലിം അതോറിറ്റി പുതിയ ഡയറക്ടര്‍മാരെ നിയമിച്ച് പുനസംഘടിപ്പിച്ചു. ചലചിത്ര വ്യവസായം രാജ്യത്ത് പ്രോത്സാഹിപ്പിക്കുന്നതിനാണ് ഡയറക്ടര്‍ ബോര്‍ഡിന് രൂപം നല്‍കിയത്. സാംസ്‌കാരിക വകുപ്പ് മന്ത്രി പ്രിന്‍സ് ബദര്‍ ബിന്‍ അബ്ദുല്ല ബിന്‍ ഫര്‍ഹാന്‍ ചെയര്‍മാനും സഹമന്ത്രി ഹമീദ് ബിന്‍ മുഹമ്മദ് ഫായിസ് വൈസ് ചെയര്‍മാനുമായ ഡയറക്ടര്‍ ബോര്‍ഡാണ് രൂപീകരിച്ചത്. രാജ്യത്തെ പ്രഥമ വനിതാ സംവിധായക ഹൈഫ ബിന്ത് അബ്ദുള്‍റഹ്മാന്‍ അല്‍ മന്‍സൂര്‍, മൊഹിയുദ്ദീന്‍ ബിന്‍ സാലിഹ് കമല്‍, അമണ്ട നെവില്‍, മുഹമ്മദ് ബിന്‍ യൂസഫ് അല്‍

റിയാദ്: സൗദിയില്‍ കൊവിഡ് ചികിത്സക്കും ഗവേഷണത്തിനും രോഗമുക്തി നേടിയവരുടെ പ്ലാസ്മ ശേഖരിക്കുന്നു. ഇതിന്റെ ഭാഗമായി ഇന്ത്യ ഫ്രറ്റേണിറ്റി ഫോറം പ്ലാസ്മ രക്തദാന ദേശീയ കാമ്പയിന്‍ ആരംഭിച്ചു. കാമ്പയിന്റെ ഉദ്ഘാടനം കൊവിഡ് ചികിത്സ നടത്തുന്ന പ്രിന്‍സ് മുഹമ്മദ് ബിന്‍ അബ്ദുല്‍ അസീസ് ആശുപത്രിയില്‍ നടന്നു. ഫ്രറ്റേണിറ്റി ഫോറം പ്രവര്‍ത്തകരും പൊതുജനങ്ങളും പ്ലാസ്മ ദാനം ചെയ്യാന്‍ ആശുപത്രിയിലെത്തിയിരുന്നു. ആഗസ്റ്റ് 25 വരെ കാമ്പയിന്‍ തുടരും. രാജ്യത്തെ വിവിധ സര്‍ക്കാര്‍ ആശുപത്രികള്‍ കേന്ദ്രീകരിച്ചാണ് പ്ലാസ്മ ദാനം സംഘടിപ്പിക്കുന്നത്. കൊവിഡ് മുക്തരായതിന് ശേഷം

മിദ്‌ലാജ് വലിയന്നൂര്‍ ബുറൈദ: അല്‍ ഖസീമിലെ ഐനുല്‍ ജുവയ്ക്കടുത്ത് വാഹനാപകടത്തില്‍ മലയാളി മരിച്ചു. പത്തനംതിട്ട റാന്നി സ്വദേശി തോമസ് സക്കറിയ (46) ആണ് മരിച്ചത്. ഭാര്യയെ ജോലിസ്ഥലത്തുനിന്ന് കൊണ്ടുവരുന്ന വഴി ഗുസൈബ റോഡില്‍ ട്രെയിലറുമായി കൂട്ടിയിടിച്ചാണ് അപകടം. എനുല്‍ ജുവ സെന്‍ട്രല്‍ ആശുപത്രിയിലെത്തിച്ചുവെങ്കിലും ജീവന്‍ രക്ഷിക്കാനായില്ല. നിസാര പരിക്കേറ്റ ഭാര്യ സാന്റി ജോസഫിനെ പ്രാഥമിക ശുശ്രൂഷകള്‍ക്കു ശേഷം വീട്ടിലെത്തിച്ചു. തോമസ് സക്കറിയ അല്‍ വതനിയ പൗള്‍ട്രി കമ്പനിയില്‍ സ്‌റ്റോര്‍ കീപ്പറായിരുന്നു. മൃതദേഹം സെന്‍ട്രല്‍ ആശുപത്രി മോര്‍ച്ചറിയില്‍ സൂക്ഷിച്ചിട്ടുണ്ട്.

റിയാദ്: ദുര്‍മ നഗരസഭയില്‍ 20 വര്‍ഷം ജോലിചെയ്തിരുന്ന തിരുവനന്തപുരം ബീമാപള്ളി സ്വദേശി ഖാലിദ് കെ എം സി സി യുടെ സഹായത്തൂടെ നാടണഞ്ഞു. അസുഖത്തെ തുടര്‍ന്ന് റിയാദ് ശുമേസി ആശുപത്രിയില്‍ ചികിത്സയിലായിരുന്നു. ദുര്‍മ കെഎംസിസി ജനറല്‍ സെക്രട്ടറി മാനു എടപ്പലത്തിന്റെ നേതൃത്വത്തിലാണ് നാട്ടിലേക്ക് മടങ്ങാനുളള സൗകര്യം ഒരുക്കിയത്. കെ എം സി സി നേതാക്കളായ ആബിദ് കോട്ടക്കല്‍ (മുസാമിയ), സി പി മുസ്തഫ (റിയാദ്), ബാവ കോഡൂര്‍, പി മുഹമ്മദ്, എ വാപ്പു, ഷൗക്കത് എന്നിവരും സഹായവുമായി

റിയാദ്: വിപണി സജീവമായതോടെ വാണിജ്യ മന്ത്രാലയം പരിശോധന ശക്തമാക്കി. കൊവിഡിനെ തുടര്‍ന്ന് ഘട്ടം ഘട്ടമായി എല്ലാ മേഖലയും തുറന്നു പ്രവര്‍ത്തിക്കാന്‍ തുടങ്ങിയ സാഹചര്യത്തിലാണ് പരിശോധന ശക്തമാക്കിയത്. കൊവിഡ് പ്രതിരോധ നടപടികള്‍ ഉറപ്പുവരുത്താന്‍ രാജ്യത്തെ എല്ലാ പ്രവിശ്യകളിലും പരിശോധന നടത്തുന്നതു തുടരുകയാണെന്ന് വാണിജ്യ മന്ത്രാലയം അറിയിച്ചു. മുനിസിപ്പല്‍ ഗ്രാമ കാര്യ മന്ത്രാലയവുമായി സഹകരിച്ചാണ് പരിശോധന നടത്തുന്നത്. കൊവിഡ് പ്രോട്ടോകോളുകള്‍ ലംഘിക്കുന്നവര്‍ക്കെതിരെ ശിക്ഷാ നടപടി സ്വീകരിക്കും. ഗുരുതരമായ നിയമ ലംഘനം നടത്തുന്ന സ്ഥാപനങ്ങള്‍ അടപ്പിക്കുമെന്നും മന്ത്രാലയം മുന്നറിയിപ്പ് നല്‍കി.ഷോപ്പിംഗ് മാളുകള്‍

ബുറൈദ: കെ എം സി സി സുല്‍ത്താന ഏരിയ ഓഫീസ് ഉദ്ഘാടനം ചെയ്തു. വെല്‍ഫെയര്‍ വിംങ് ചെയര്‍മാന്‍ ഫൈസല്‍ ആലത്തൂരിനെ ചടങ്ങില്‍ ആദരിച്ചു. നാട്ടിലേക്ക് മടങ്ങുന്ന ഷൗക്കത്ത് പന്നികോടിന് യാത്രയയപ്പും നല്‍കി. ഓഫീസ് ഉദ്ഘാടനം ബുറൈദ കെ എം സി സി പ്രസിഡന്റ് അനീഷ് ചുഴലി നിര്‍വഹിച്ചു. അബ്ദുല്‍ ലത്തീഫ് പള്ളിയാലി അധ്യക്ഷത വഹിച്ചു. യോഗം അനീഷ് ചുഴലി ഉദ്ഘാടനം ചെയ്തു. ഷരീഫ് തലയാട് മുഖ്യപ്രഭാഷണം നത്തെി. ബഷീര്‍ വെള്ളില, ബഷീര്‍ ബാജി, ഷക്കീര്‍ മടാല, അലിക്ക

റിയാദ്: നാടക കല പ്രോത്സാഹിപ്പിക്കുന്നതിന് രൂപംകൊണ്ട റിയാദ് നാടക വേദി ആന്റ് ചില്‍ഡ്രന്‍സ് തീയേറ്ററിന് കേരള സംഗീത നാടക അക്കാദമി അംഗീകാരം. അഞ്ചു വര്‍ഷം കാലാവധി പൂര്‍ത്തിയാക്കിയ സമിതിക്ക് 2023 വരെ അംഗീകാരം പുതുക്കി നല്‍കി. പ്രവാസികള്‍ക്കിടയില്‍ മലയാള നാടകം പരിചയപ്പെടുത്തുക, നാടക കലാകാരന്‍മാരുടെ ഉന്നമനത്തിനു പ്രവര്‍ത്തിക്കുക എന്നിവയാണ് സമിതിയുടെ ലക്ഷ്യം. www.nadakam.com വെബ്‌സൈറ്റുമായി സഹകരിച്ച് പ്രവൃത്തിക്കുന്ന നാടകവേദി മിഡില്‍ ഈസ്റ്റില്‍ കേരള സംഗീത നാടക അക്കാദമിയുടെ അംഗീകാരമുള്ള ഏക സമിതിയാണ്. 25 അംഗ കേന്ദ്ര കമ്മറ്റിയുടെ

റിയാദ്: സൗദിയില്‍ കൊവിഡ് ബാധിതരുടെ വിവരങ്ങള്‍ വിശകലനം ചെയ്യുന്നതിന് രജിസ്‌ട്രേഷന്‍ ആരംഭിച്ചു. ഡിസീസ് പ്രിവന്‍ഷന്‍ ആന്റ് കണ്‍ട്രോള്‍ സെന്ററാണ് ഇ പ്ലാറ്റ്‌ഫോമിലൂടെ വിവരം ശേഖരിക്കുന്നത്. കൊവിഡ് വൈറസ് സ്ഥിരീകരിച്ചവരുടെ സ്ഥിതിവിവരക്കണക്കുകളാണ് ഈ പ്ലാറ്റ്‌ഫോം വഴി ശേഖരിക്കുന്നത്. വൈറസിനെ സംബന്ധിച്ച് ഗവേഷണങ്ങളും പഠനങ്ങളും നടത്തുന്നതിന് വിവര ശേഖരണം സഹായിക്കും. ഉപയോഗിച്ച മരുന്നുകളുടെ ഫലം, ചികിത്സാ പ്രോട്ടോക്കോളുകള്‍, ക്ലിനിക്കല്‍ പരീക്ഷണങ്ങള്‍ എന്നിവ വിശകലനം ചെയ്യുന്നതിന് രജിസ്‌ട്രേഷന്‍ സഹായിക്കും. വൈറസ് വ്യാപനം ചെറുക്കുന്നതിനും മുന്‍കരുതല്‍ നടപടി സ്വീകരിക്കുന്നതിനും വിവര ശേഖരണം ആവശ്യമാണ്.