വര്‍ണം വിതറി റിയാദില്‍ ‘ആര്‍ട്‌സ് ടവര്‍’
റിയാദ്: സൗദി തലസ്ഥാന നഗരിയില്‍ വര്‍ണ വിസ്മയം വിരിയിക്കുന്ന പുതിയ ലാന്‍ഡ്മാര്‍ക്ക് ‘ദി ആര്‍ട്‌സ് ടവര്‍’ ശ്രദ്ധേയമാകുന്നു. നിര്‍മ്മാണം പുരോഗമിക്കുന്ന സ്‌പോര്‍ട്‌സ് ബൊളിവാര്‍ഡ് പദ്ധതിയിലാണ് കലയുടെയും ഭാവനയുടെയും ദീപസ്തംഭമായി വര്‍ണക്കാഴ്ചകള്‍ വിരിയുന്ന ടവര്‍ ഒരുക്കിയിട്ടുളളത്. വൈദ്യുതി ടവറുകളുടെ മാതൃകയില്‍ 83 മീറ്റര്‍ ഉയരത്തിലാണ് ആര്‍ട്‌സ് ടവറിന്റെ രൂപകല്പന. പ്രിന്‍സ് മുഹമ്മദ് ബിന്‍ സല്‍മാന്‍ റോഡും പ്രിന്‍സ് തുര്‍ക്കി ബിന്‍ അബ്ദുല്‍ അസീസ് റോഡും സംഗമിക്കുന്ന കവലയിലാണ് സ്‌പോര്‍ട്‌സ് ബൊളിവാര്‍ഡിലെ ലാന്‍ഡ്മാര്‍ക്കായി ‘ആര്‍ട്‌സ് ടവര്‍’ ഉയര്‍ന്നിരിക്കുന്നത്. 33 ചതുരശ്ര
