gulf

റിയാദ്: സൗദി അറേബ്യയില്‍ കൊവിഡ് വാക്‌സിന്‍ വിതരണം ആരംഭിച്ചു. ആരോഗ്യ മന്ത്രി ഡോ. തൗഫീഖ് അല്‍ റബീഅ ആദ്യ വാക്‌സിന്‍ സ്വീകരിച്ച് കാമ്പയിന്‍ ഉദ്ഘാടനം ചെയ്തു. രാജ്യത്തെ ഏറ്റവും ബൃഹത്തായ വാക്‌സിന്‍ കാമ്പയിനാണ് ആരംഭിച്ചതെന്ന് മന്ത്രി പറഞ്ഞു. ഭരണാധികാരി സല്‍മാന്‍ രാജാവും കിരീടാവകാശി മുഹമ്മദ് ബിന്‍ സല്‍മാനും നടത്തിയ നേതൃപരമായ ഇടപെടലാണ് ലോകത്ത് ആദ്യം വാക്‌സിന്‍ വിതരണം ചെയ്യുന്ന രാജ്യങ്ങളില്‍ സൗദിയെ എത്തിക്കാന്‍ കഴിഞ്ഞതെന്നും മന്ത്രി പറഞ്ഞു. വാക്‌സിന്‍ സമ്പൂര്‍ണ സുരക്ഷിതമാണ്. വാക്‌സിന്‍ സ്വീകരിക്കണമെന്ന് ആരെയും നിര്‍ബന്ധിക്കില്ല. […]

റിയാദ്: സൗദി അറേബ്യയില്‍ മൂന്ന് ദിവസത്തിനകം കൊവിഡ് വാക്‌സിന്‍ വിതരണം ആരംഭിക്കാന്‍ കഴിയുമെന്ന് ആരോഗ്യ മന്ത്രി. ആദ്യ ബാച് വാക്‌സിന്‍ എത്തിയതായും മന്ത്രി അറിയിച്ചു. രാജ്യത്തെ സ്വദേശികള്‍ക്കും വിദേശികള്‍ക്കും ആഹ്‌ളാദം പകരുന്ന വാര്‍ത്തയാണ് ആരോഗ്യ മന്ത്രി ഡോ. തൗഫീഖ് അല്‍ റബീഅ പുറത്തുവിട്ടത്. വാക്‌സിനേഷന്‍ സ്വീകരിക്കുന്നതിന് സെഹതി ആപ് വഴി ഒന്നര ലക്ഷം പേര്‍ രജിസ്റ്റര്‍ ചെയ്തതായും മന്ത്രി പറഞ്ഞു. കൊവിഡ് പ്രതിരോധ നടപടികള്‍ പൂര്‍ണമായി നടപ്പിലാക്കാന്‍ സ്വദേശികളും വിദേശികളും സഹകരിച്ചു. ഇതു വൈറസ് ബാധ കുറയ്ക്കാന്‍

റിയാദ്: സൗദിയിലെ കൊവിഡ് പ്രതിരോധ പ്രവര്‍ത്തനങ്ങള്‍ വിജയിക്കാന്‍ കാരണം ജനങ്ങളുടെ സഹകരണമാണെന്ന് ഭരണാധികാരി സല്‍മാന്‍ രാജാവ്. ബജറ്റ് അവതരിപ്പിക്കുന്നതിന് ചേര്‍ന്ന പ്രത്യേക മന്ത്രിസഭാ യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു രാജാവ്. ലോക സമ്പദ് വ്യവസ്ഥയെ പ്രതികൂലമായി ബാധിച്ച അത്യപൂര്‍വമായ പകര്‍ച്ചവ്യാധിയെയാണ് ലോകം അഭിമുഖീകരിക്കുന്നത്. വൈറസ് ബാധിച്ച രാജ്യത്തെ മുഴുവന്‍ ജനങ്ങള്‍ക്കും സജന്യ ചികിത്സ നല്‍കി. ജീവന്‍ നഷ്ടപ്പെട്ട ആരോഗ്യ പ്രവര്‍ത്തകരുടെ കുടുംബങ്ങള്‍ക്ക് അഞ്ചുലക്ഷം റിയാല്‍ അനുവദിക്കാന്‍ മന്ത്രിസഭ നേരത്തെ തീരുമാനിച്ചതും രാജാവ് എടുത്തു പറഞ്ഞു. ചരിത്രത്തിലെ ദുഷ്‌കരമായ

റിയാദ്: സൗദി അറേബ്യയുടെ അടുത്ത വര്‍ഷത്തെ ബജറ്റിന് മന്ത്രിസഭയുടെ അംഗീകാരം. കൊവിഡ് പ്രതിരോധ പ്രവര്‍ത്തനങ്ങള്‍ക്ക് മുഖ്യ പരിഗണനയാണ് ബജറ്റില്‍ നല്‍കിയിട്ടുളളത്. ഭരണാധികാരി സല്‍മാന്‍ രാജാവിന്റെ അധ്യക്ഷതയില്‍ ചേര്‍ന്ന അസാധാരണ മന്ത്രിസഭാ യോഗത്തിലാണ് 2021ലെ ബജറ്റിന് അംഗീകാരം നല്‍കിയത്. 990 ബില്യന്‍ റിയാല്‍ ചെലവും 849 ബില്യന്‍ റിയാല്‍ വരവും പ്രതീക്ഷിക്കുന്നു. 141 ബില്യന്‍ റിയാലാണ് കമ്മി കണക്കാക്കുന്നത്. മന്ത്രിസഭാ സെക്രട്ടറി ജനറല്‍ പ്രിന്‍സ് അബ്ദുള്‍റഹ്മാന്‍ ബിന്‍ മുഹമ്മദ് ബിന്‍ അയ്യഫ് ബജറ്റ് സംബന്ധിച്ച് ഉത്തരവ് അവതരിപ്പിച്ചു. തുടര്‍ന്ന്

റിയാദ്: നേരും നുണയും വേര്‍തിരിച്ചെടുക്കുക എന്ന ശ്രമകരമായ ദൗത്യമാണ് മാധ്യമപ്രവര്‍ത്തകര്‍ നേരിടുന്ന വെല്ലുവിളിയെന്ന് അഭിലാഷ് മോഹനന്‍. പരമ്പരാഗത മാധ്യമങ്ങളുടെ നിലനില്‍പ്പ് ഭീഷണി നേരിടുന്നുണ്ട്. അതുകൊണ്ടുതന്നെ മാധ്യമങ്ങളും മാധ്യമപ്രവര്‍ത്തകരും കാലാനുസൃതമായ മാറ്റങ്ങള്‍ ഉള്‍ക്കൊളളണമെന്നും അദ്ദേഹം പറഞ്ഞു. റിയാദ് ഇന്ത്യന്‍ മീഡിയ ഫോറം മാധ്യമ പരിശീലന പരിപാടി ഉദ്ഘാടനം ചെയ്തു സംസാരിക്കുകയായിരുന്നു അഭിലാഷ് മോഹനന്‍. വിവരങ്ങളുടെ പ്രളയത്തിലാണ് ലോകം. ഏതാണ് വസ്തുത എന്ന് തിരിച്ചറിയാനുള്ള സാഹചര്യം ഇല്ലാതായി. ജനാധിപത്യം പേ,ാലും കൃത്രിമമായി സൃഷ്ടിക്കുന്നു. വസ്തുത കണ്ടെത്തുക ശ്രമകരമാണ്. അതിന്റെ ഉത്തരവാദിത്തവും

റിയാദ്: ബഹ്‌റൈനില്‍ നടത്താനിരുന്ന ജിസിസി ഉച്ചകോടിക്ക് സൗദി അറേബ്യ ആതിഥ്യം വഹിക്കുമെന്ന് സൂചന. ഈ മാസം അവസാനം നിശ്ചയിച്ചിരുന്ന ഉച്ചകോടി ജനുവരി 5ന് റിയാദില്‍ നടക്കുമെന്നാണ് റിപ്പോര്‍ട്ട്. മൂന്നര വര്‍ഷമായി തുടരുന്ന ഗള്‍ഫ് പ്രതിസന്ധി പരിഹരിക്കാന്‍ കഴിയുമെന്ന പ്രതീക്ഷയോടെയാണ് ഗള്‍ഫ് സഹകരണ കൗണ്‍സില്‍ ഉച്ചകോടിക്ക് തയ്യാറെടുപ്പ് നടക്കുന്നത്. ഈ സാഹചര്യത്തിലാണ് ജിസിസി ആസ്ഥാനമായ സൗദിയില്‍ ഉച്ചകോടി ചേരാന്‍ തീരുമാനിച്ചതെന്നാണ് റിപ്പോര്‍ട്ട്. വെര്‍ച്വല്‍ ഉച്ചകോടിക്ക് പകരം രാഷ്ട്ര തലവന്‍മാര്‍ നേരിട്ട് പങ്കെടുക്കും. തീവ്രവാദം പ്രോത്സാഹിപ്പിക്കുന്ന നിലപാട് സ്വീകരിച്ചതിന് 2017

റിയാദ്: കൊവിഡ് വാക്‌സിന്‍ ഗുരുതരമായ പാര്‍ശ്വഫലങ്ങള്‍ ഉണ്ടാക്കുമെന്ന പ്രചാരണം സൗദി ആരോഗ്യ മന്ത്രാലയം തളളി. വാകസിന്‍ ഉടന്‍ സൗദിയില്‍ ലഭ്യമാക്കുമെന്ന് ആരോഗ്യ മന്ത്രാലയം അറിയിച്ചിരുന്നു. അതിനു പിന്നാലെയാണ് സാമൂഹിക മാധ്യമങ്ങളില്‍ പ്രചാരണം. അന്താരാഷ്ട്ര മാര്‍ഗ നിര്‍ദേശങ്ങളും സുരക്ഷാ മാനദണ്ഡങ്ങളും ഉറപ്പുവരുത്തിയാണ് ഫൈസറിന്റെ കൊവിഡ് വാക്‌സിന്‍ സൗദിയില്‍ വിതരണത്തിന് തയ്യാറെടുക്കുന്നത്. ഇതിനായി നിരവധി പഠനങ്ങളും പരിശോധനകളും പൂര്‍ത്തിയാക്കിയിട്ടുണ്ടെന്ന് ആരോഗ്യ മന്ത്രാലയം അറിയിച്ചു.കൊവിഡ് വാക്‌സിന്‍ സ്വീകരിക്കുന്നത് സ്ത്രീകളുടെ പ്രത്യുത്പാദനക്ഷമതയെ ബാധിക്കുമെന്നാണ് പ്രചാരണം. സൗദി ഫുഡ് ആന്റ് ഡ്രഗ് അതോറിറ്റിയും ഇത്

റിയാദ്: ദ്വിദിന സന്ദര്‍ശനത്തിന് ഇന്ത്യന്‍ ചീഫ് ഓഫ് ആര്‍മി സ്റ്റാഫ് ജനറല്‍ എം എം നരവാനെ റിയാദിലെത്തി. റോയല്‍ സൗദി ലാന്റ് ഫോഴ്‌സ് ആസ്ഥാനത്ത് ഗാര്‍ഡ് ഓഫ് ഓണര്‍ നല്‍കി ഊഷ്മള സ്വീകരണമാണ് സൈനിക മേധാവിക്ക് ഒരുക്കിയത്. പ്രതിരോധ മേഖലകളില്‍ ഇന്ത്യയും സൗദിയും തമ്മിലുളള ഉഭയകക്ഷി ബന്ധം ശക്തിപ്പെടുത്തുന്നതിനാണ് സന്ദര്‍ശനം. ലാന്റ് ഫോഴ്‌സ് കമാണ്ടര്‍ ജനറല്‍ ഫഹദ് ബിന്‍ അബ്ദുല്ല മുഹമ്മദ് അല്‍ മുതൈരിയുമായി കൂടിക്കാഴ്ച നടത്തി. സൗദിയിലെ മുതിര്‍ന്ന സുരക്ഷാ ഉദ്യോഗസ്ഥരുമായും ചര്‍ച്ച നടത്തി. ഇരുരാജ്യങ്ങളും

റിയാദ്: പ്രമുഖ റീട്ടെയില്‍ വിതരണ ശൃംഖല ലുലു ഹൈപ്പര്‍മാര്‍ക്കറ്റ് ഈ വര്‍ഷത്തെ ഏറ്റവും വലിയ വിലക്കിഴിവ് പ്രഖ്യാപിച്ചു. ഉത്പ്പന്നങ്ങള്‍ക്ക് 10, 20, 30 റിയാല്‍ ഓഫറാണ് പ്രഖ്യാപിച്ചത്. സൗദിയിലെ സ്‌റ്റോറുകളില്‍ ഡിസംബര്‍ 19 വരെ ഓഫര്‍ തുടരും. എല്ലാ ഡിപ്പാര്‍ട്‌മെന്റിലും വിപുലമായ ഉത്പ്പന്നങ്ങളുടെ ശേഖരമാണ് ഒരുക്കിയിട്ടുളള്. പലചരക്ക് സാധനങ്ങള്‍, ഭക്ഷ്യവിഭവങ്ങള്‍, എണ്ണ, മസാലകള്‍, പാക്കുചെയ്ത ലഘുഭക്ഷണങ്ങള്‍, ജ്യൂസുകള്‍, ഗ്രില്ലുകള്‍, വീട്ടുപകരണങ്ങള്‍, കളിപ്പാട്ടങ്ങള്‍, ഇലക്‌ട്രോണിക്‌സ്, സൗന്ദര്യവര്‍ധക വസ്തുക്കള്‍, ചര്‍മ പരിചരണ ഉത്പന്നങ്ങള്‍, വസ്ത്രങ്ങള്‍ തുടങ്ങിയ ഉത്പ്പന്നങ്ങളുടെ വിവിധ ബ്രാന്റുകളുടെ

റിയാദ്: തൊഴില്‍ വിപണിയുടെ വികസനം ലക്ഷ്യമാക്കിയാണ് വിവിധ പരിഷ്‌കരണ പദ്ധതികള്‍ നടപ്പിലാക്കുന്നതെന്ന് മാനവ വിഭവശേഷി, സാമൂഹിക വികസനകാര്യ മന്ത്രി എഞ്ചിനീയര്‍ അഹമദ് അല്‍ റാജ്ഹി. രാജ്യത്ത് ഏഴ് പതിറ്റാണ്ടായി നിലവിലുളള സ്‌പോണ്‍സര്‍ഷിപ് സമ്പ്രദായം അടുത്ത വര്‍ഷം മാര്‍ച്ച് 14 മുതല്‍ ഇല്ലാതാകും. ഇതു 10 ലക്ഷത്തിലധികം പ്രവാസികള്‍ക്ക് ഗുണം ചെയ്യും. വിദേശ തൊഴിലാളികളും തൊഴിലുടമകളും തമ്മിലുള്ള കരാര്‍ ബന്ധം കൂടുതല്‍ മെച്ചപ്പെടുത്തുമെന്നും മന്ത്രി പറഞ്ഞു. തൊഴില്‍ വിപണിയില്‍ ആവശ്യമായ പരിഷ്‌കാരങ്ങള്‍ക്ക് മന്ത്രിസഭ കഴിഞ്ഞ ദിവസം അംഗീകാരം നല്‍കിയിരുന്നു.

റിയാദ്: ഫലസ്തീന്‍ പ്രദേശങ്ങളില്‍ ജൂത കുടിയേറ്റ കോളനികളുടെ നിര്‍മാണം ഇസ്രായില്‍ അവസാനിപ്പിക്കണമെന്ന് സൗദി മന്ത്രിസഭാ യോഗം ആവശ്യപ്പെട്ടു. രാജ്യത്തിന്റെ വിദേശ നയം ഫലസ്തീനികള്‍ക്കൊപ്പമാണെന്നും മന്ത്രി സഭ വ്യക്തമാക്കി. അറബികളുടെ അടിസ്ഥാന പ്രശ്‌നമാണ് ഫലസ്തീനില്‍ നടക്കുന്ന അധിനിവേശം. സൗദി സ്ഥാപകന്‍ അബ്ദുല്‍ അസീസ് രാജാവിന്റെ കാലം മുതല്‍ ഫലസ്തീന്‍ പ്രശ്‌നത്തിനു വേണ്ടി പ്രതിരോധം തീര്‍ക്കാന്‍ മടിച്ചിട്ടില്ല. രാജ്യത്തിന്റെ വിദേശ നയത്തില്‍ ഏറ്റവുമധികം പിന്തുണ നല്‍കുന്നത് ഫലസ്തീന്‍ പ്രശ്‌നത്തിനാണ്. പശ്ചിമേഷ്യന്‍ സമാധാനത്തെ സൗദി അറേബ്യ പിന്തുണക്കും. അറബ് സമാധാന പദ്ധതി

റിയാദ്: ഫൈസര്‍ ബയോടെകിന്റെ കൊവിഡ് പ്രതിരോധ വാക്‌സിന്‍ ഇറക്കുമതി ചെയ്യാന്‍ സൗദി ഫുഡ് ആന്റ് ഡ്രഗ് അതോറിറ്റി അനുമതി നല്‍കി. കഴിഞ്ഞ മാസം 24ന് ഫൈസര്‍ ബയോടെക് സൗദിയില്‍ വാക്‌സിന്‍ വിതരണം ചെയ്യുന്നതിന് അനുമതി തേടി അതോറിറ്റിക്ക് അപേക്ഷ സമര്‍പ്പിച്ചിരുന്നു. വിദഗ്ദ സമിതിയുടെ പഠനത്തിനും സൂക്ഷ്മമായ വിലയിരുത്തലുകള്‍ക്കും ശേഷമാണ് ഇറക്കുമതി ചെയ്യാന്‍ അനുമതി നല്‍കിയത്. ഫൈസര്‍ സമര്‍പ്പിച്ച വിവരങ്ങളുടെ അടിസ്ഥാനത്തിലാണ് വാക്‌സിന്‍ രജിസ്‌ട്രേഷന് അംഗീകാരം നല്‍കിയത്. അന്താരാഷ്ട്ര മാനദണ്ഡങ്ങള്‍ പ്രകാരം മികച്ച ഫാര്‍മസ്യൂട്ടിക്കല്‍ ഉല്‍പ്പന്നമാണ് ഫൈസറിന്റെ വാക്‌സിനെന്ന്