saudi

റിയാദ്: സൗദി വിമതരായി രാജ്യത്തിന് പുറത്തു കഴിയുന്നവര്‍ക്ക് മാപ്പു നല്‍കുന്നു. ബാഹ്യശക്തികളുടെ സ്വാധീനത്തില്‍ രാജ്യത്തിനെതിരെ നിലനിന്നവര്‍ക്കാണ് മാപ്പ്. എന്നാല്‍ ഗുരുതര കുറ്റകൃത്യങ്ങള്‍ ആസൂത്രണം ചെയ്യുകയും നടപ്പിലാക്കാന്‍ ശ്രമിച്ചവര്‍ക്കും മാപ്പ് ലഭിക്കില്ല. എംബിസി ടിവിയില്‍ പ്രോമിസ് സ്‌റ്റോറി (ഹികായത്ത് വഅദ്) എന്ന പരിപാടിയില്‍ രാജ്യ സുരക്ഷാ ഉപദേഷ്ടാവ് അബ്ദുല്‍ അസീസ് അല്‍ ഹുവൈരിനിയാണ് മാപ്പു നല്‍കുന്ന വിവരം അറിയിച്ചത്. രാജ്യത്തിനെതിരെ ആക്രമണം നടത്താനും വിമത പ്രവര്‍ത്തനങ്ങള്‍ക്കും ബാഹ്യസ്ഥാപനങ്ങള്‍ ചൂഷണം ചെയ്തവര്‍ക്ക് സൗദിയിലേയ്ക്കു മടങ്ങി വരാന്‍ രാജ്യം ക്ഷണിച്ചിട്ടുണ്ട്. വഞ്ചിക്കപ്പെട്ടവര്‍ക്ക് […]

റിയാദ്: പക്ഷാഘാതത്തെ തുടര്‍ന്ന് ശുമൈസി കിങ് സൗദ് ആശുപത്രിയില്‍ ചികിത്സയില്‍ കഴിഞ്ഞിരുന്ന മലയാളി മരിച്ചു. കണ്ണൂര്‍ കരിമ്പം കുറുമാതൂര്‍ കൊണിയന്‍കണ്ടി വീട്ടില്‍ പ്രകാശന്‍ (48) ആണ് മരിച്ചത്. റിയാദ് പ്രവിശ്യയില്‍പെട്ട മുസാഹ്മിയയില്‍ ഗ്ലാസ് കടയിലായിരുന്നു ജോലി. താമസസ്ഥലത്ത് പക്ഷാഘാതം ഉണ്ടായതിനെ തുടര്‍ന്ന് മുസാഹ്മിയ ജനറല്‍ ആശുപത്രിയില്‍ പ്രാഥമിക ചികിത്സ നല്‍കി. വിദഗ്ധചികിത്സക്കാണ് റിയാദിലെ ശുമൈസി ആശുപത്രിയിലേക്ക് മാറ്റിയത്. രണ്ടാഴ്ച നടത്തിയ ചികിത്സക്കിടെ ശസ്ത്രക്രിയകള്‍ക്ക് വിധേയനായിരുന്നു. അതിനിടയിലാണ് മരണം. ഭാര്യ: ടി.കെ. മഞ്ജുള, മക്കള്‍: ആവണി (18), ആദിത്

റിയാദ്: തലശ്ശേരി മണ്ഡലം വെല്‍ഫെയര്‍ അസോസിയേഷന്‍ (ടിഎംഡബ്ല്യുഎ) റിയാദില്‍ റമദാന്‍ ക്വിസ് മത്സരം സംഘടിപ്പിച്ചു. ഇന്ത്യന്‍ പബ്ലിക് സ്‌കൂള്‍ ഒമ്പതാംതരം വിദ്യാര്‍ത്ഥി അമന്‍ ശഹദാന്‍ 116 പോയിന്റുമായി നേടി ഒന്നാം സ്ഥാനം നേടി. വാശിയേറിയ മത്സരത്തില്‍ നിഷാന്‍ കൊമ്മോത്ത് രണ്ടും ഫാത്തിമ ജസ്‌നാ ഫായിസ് മൂന്നും സ്ഥാനങ്ങള്‍ നേടി. ഓണ്‍ലൈന്‍ ആയി നടത്തിയ ക്വിസ് മത്സരത്തില്‍ 123 മത്സരാര്‍ത്ഥികള്‍ പങ്കെടുത്തു. ഇസ്ലാമികം, കായികം, ആനുകാലികം, പൊതുവിജ്ഞാനം എന്നീ വിഷയങ്ങളിലായിരുന്നു ചോദ്യങ്ങള്‍. വിജയികള്‍ക്ക് മാര്‍ച്ച് 7ന് ടിഎംഡബ്ല്യുഎ റിയാദ്

റിയാദ്: സൗദി അറേബ്യയില്‍ വിദ്യാഭ്യാസ സ്ഥാപനങ്ങള്‍ക്ക് ഈദുല്‍ ഫിത്ര്‍ അവധി പ്രഖ്യാപിച്ചു. മാര്‍ച്ച് 20 വ്യാഴം മുതല്‍ അവധി ആരംഭിക്കും. അധ്യായന വര്‍ഷം അനുസരിച്ച് തേഡ് ടേം ക്ലാസുകളാണ് ഇപ്പോള്‍ തുടരുന്നത്. ഈദുല്‍ ഫിത്ര്‍ അവധി പൂര്‍ത്തിയായി ശവ്വാല്‍ 8 ഞായര്‍ സ്‌കൂള്‍ തുറക്കും. ദുല്‍ഖഅ്ദ 6, 7 തീയതികളിലും അവധിയായിരിക്കും. ദുല്‍ഹജ് 3 വെള്ളി ബലിപെരുന്നാള്‍ അവധി ആരംഭിക്കും. ബലിപെരുന്നാള്‍ അവധി പൂര്‍ത്തിയായി ദുല്‍ഹജ് 19ന് സ്‌കൂളുകള്‍ തുറക്കും. 2025 ജൂണ്‍ 26, ഹിജ്‌റ 1447

റിയാദ്: സമൂഹ ഇഫ്താര്‍ വിരുന്നിന് ഒരുക്കങ്ങള്‍ തുടങ്ങി ഒഐസിസി റിയാദ് റീജിണല്‍ കമ്മിറ്റി. ഇഫ്താര്‍ സംഗമം മാര്‍ച്ച് 14ന് എക്‌സിറ്റ് 18 സുലൈ സദ കമ്മ്യൂണിറ്റി സെന്ററില്‍ നടക്കും. പരിപാടിയുടെ വിജയത്തിന് ബത്ഹ സബര്‍മതിയില്‍ ചേര്‍ന്ന സംഘാടക സമിതി യോഗത്തില്‍ സെന്‍ട്രല്‍ കമ്മിറ്റി പ്രസിഡന്റ് സലീം കളക്കര അധ്യക്ഷത വഹിച്ചു. ജനകീയ ഇഫ്താര്‍ സ്വാഗതസംഘവും രൂപീകരിച്ചു. സലീം കളക്കര (ചെയര്‍മാന്‍), അമീര്‍ പട്ടണത്ത് (കണ്‍വീനര്‍), കുഞ്ഞി കുമ്പള,അബ്ദുള്ള വല്ലാഞ്ചിറ, ഫൈസല്‍ ബാഹസ്സന്‍, നവാസ് വെള്ളിമാട്കുന്ന്, മജീദ് ചിങ്ങോലി,

റിയാദ്: സൗദിയില്‍ തടവില്‍ കഴിയുന്ന അബ്ദുല്‍ റഹീമിന്റെ മോചനം വൈകും. ഈ സാഹചര്യത്തില്‍ ജാമ്യത്തില്‍ പുറത്തിറക്കാന്‍ ശ്രമം തുടങ്ങി. ഇതിനായി റഹീമിന്റെ അഭിഭാഷക അഡ്വ. റെന ജാമ്യാപേക്ഷ സമര്‍പ്പിച്ചു. കേസ് മാര്‍ച്ച് 18ന് രാവിലെ 11ന് വീണ്ടുംപരിഗണിക്കും. റഹീം കേസ് ഇന്നു സൗദി സമയം രാവിലെ 10ന് കോടതി പരിഗണിച്ചെങ്കിലും മാറ്റിവെക്കുകയായിരുന്നു. റഹീമിന്റെ അഭിഭാഷകര്‍, ഇന്ത്യന്‍ എംബസി ഉദ്യോഗസ്ഥന്‍ സവാദ്, കുടുംബപ്രതിനിധി സിദ്ദിഖ് തുവ്വൂര്‍ എന്നിവര്‍ ഹാജരായി. കോടതി ആവശ്യപ്പെട്ടത് അനുസരിച്ച് ഗവര്‍ണറേറ്റ് ആഭ്യന്തര മന്ത്രാലയത്തില്‍ നിന്ന്

റിയാദ്: റമദാന്‍ വ്രതം അനുഷ്ടിക്കുന്നവര്‍ക്ക് ലോകാരോഗ്യ സംഘടനയുടെ മുന്നറിയിപ്പ്. വ്രതം അനുഷ്ടിക്കുന്നവര്‍ നോമ്പു തുറക്കുമ്പോഴും അതിനുശേഷവും വറുത്തതും പൊരിച്ചതും പൂര്‍ണമായി ഒഴിവാക്കണമെന്ന് ഡബഌയു എച് ഒ ആഹ്വാനം ചെയ്തു. ഈ സാഹചര്യത്തില്‍ ആരോഗ്യത്തെ സാരമായി ബാധിക്കുന്ന ഭക്ഷ്യ വിഭവങ്ങള്‍ പ്രവാസ ലോകത്തെ സമൂഹ ഇഫ്താറില്‍ ഒഴിവാക്കുന്നത് നന്നാകും. പ്രവാസി കൂട്ടായ്മകള്‍ ഇക്കാര്യത്തില്‍ ജാഗ്രത പുലര്‍ത്തുകയും ക്യാമ്പയിന്‍ നടത്തണമെന്നും ആരോഗ്യ പ്രവര്‍ത്തകരും ആവശ്യപ്പെടുന്നു. നോമ്പ് അനുഷ്ടിക്കുന്നവര്‍ ആവിയില്‍ പാകം ചെയ്ത ഭക്ഷണം കഴിക്കുന്നതാണ് ഉത്തമം. സമീകൃതാഹാരം ഭക്ഷണത്തില്‍ ഉള്‍പ്പെടുത്തി

റിയാദ്: അസര്‍ബൈജാന്‍ യാത്ര കഴിഞ്ഞ് റിയാദിലേക്കു മടങ്ങിയ ഇന്ത്യക്കാരന്റെ പാസ്‌പോര്‍ട്ട് നഷ്ടപ്പെട്ടു. ഇതോടെ റിയാദ് കിംഗ് ഖാലിദ് ഇന്റര്‍നാഷണല്‍ എയര്‍പോര്‍ട്ടില്‍ രണ്ടു ദിവസം കുടുങ്ങിയ യുവാവിന് സാമൂഹിക പ്രവര്‍ത്തകന്‍ തുണയായി. റിയാദില്‍ പ്രവാസിയായ ഉത്തര്‍പ്രദേശ് ജാന്‍പൂര്‍ സര്‍വാര്‍പൂര്‍ സ്വദേശി ഫഹീം അക്തര്‍ അന്‍സാരി (38) ആണ് കുടുങ്ങിയത്. സൗദി വിസയുളള ഫഹീം അസര്‍ബൈജാന്‍ എയര്‍പോര്‍ട്ടില്‍ എമിഗ്രേഷന്‍ ക്ലിയറന്‍സ് കഴിഞ്ഞു പാസ്‌പോര്‍ട്ട് ഓവര്‍കോട്ടില്‍ സൂക്ഷിച്ചിരുന്നു. ഇതിനിടെ പാസ്‌പോര്‍ട്ട് നഷ്ടപ്പെട്ടത് അിറഞ്ഞിരുന്നില്ല. റിയാദ് എയര്‍പോര്‍ട്ടിലെത്തി എമിഗ്രേഷന്‍ ക്ലിയറന്‍സിന് ശ്രമിച്ചപ്പോഴാണ് പാസ്‌പോര്‍ട്ട്

റിയാദ്: വാഹനം ഇടിച്ച് ഗുരുതര പരിക്കേറ്റ് റിയാദില്‍ ചികിത്സയിലിരുന്ന മലയാളി യുവാവ് മരിച്ചു. മലപ്പുറം 55-ാം മൈല്‍ അരക്കുപറമ്പ് ചക്കാലകുന്നന്‍ വീട്ടില്‍ സൈനുല്‍ ആബിദ് (34) ആണ് മരിച്ചത്. രണ്ടാഴ്ച മുമ്പ് റോഡ് സൈഡില്‍ നില്‍ക്കുമ്പോള്‍ വാഹനം ഇടിക്കുകയായിരുന്നു. റിയാദ്-ദമ്മാം ഹൈവേയില്‍ ബംഗ്ലാദേശ് പൗരന്‍ ഓടിച്ച വാഹനം നിയന്ത്രണം വിട്ട് ഇടിക്കുകയായിരുന്നു. ഗുരുതരപരിക്കേറ്റ് റിയാദ് എക്‌സിറ്റ് 14ലെ അല്‍മുവാസാത്ത് ആശുപത്രിയില്‍ ചികിത്സയില്‍ കഴിയുന്നതിനിടെയാണ് മരണം. തൊഴില്‍ വിസയില്‍ ഒരു മാസം മുമ്പാണ് സൈനുല്‍ ആബിദ് സൗദിയിലെത്തിയത്. പിതാവ്:

റിയാദ്: സൗദി അറേബ്യയുടെ വിഷന്‍ 2030ന് പിന്തുണ നല്‍കി സുസ്ഥിരത വികസന പദ്ധതികളുടെ ഭാഗമായി ലുലു ആദ്യ സോളാര്‍ പ്രൊജക്ട് യാഥാര്‍ത്ഥ്യമാക്കി. റിയാദ് സെന്‍ട്രല്‍ വെയര്‍ ഹൗസിലാണ് ആദ്യ സോളാര്‍ ലുലു പ്രൊജക്ട് സ്ഥാപിച്ചത്. 502.7 കിലോവാള്‍ട്ടിന്റെ റൂഫ്‌ടോപ്പ് സോളാര്‍ പാനലാണ് സെന്‍ട്രല്‍ വെയര്‍ ഹൗസില്‍ സ്ഥാപിച്ചത്. പ്രതിവര്‍ഷം 846 മെഗാവാള്‍ട്ട് ഊര്‍ജ്ജം ഉത്പാദിപ്പിക്കാന്‍ കഴിയും. ഇതിലൂടെ പ്രതിവര്‍ഷം 382 മെട്രിക് ടണ്‍ വരെ കാര്‍ബണ്‍ എമിഷന്‍ കുറയ്ക്കാനാകും. ഏകദേശം 9000 പുതിയ ചെടികള്‍ നടുന്നതിന് തുല്യമണിത്.

റിയാദ്: റമദാന്‍ തിരക്ക് പ്രമാണിച്ച് മക്ക-മദീന ഹറമൈന്‍ എക്‌സ്പ്രസ് ട്രെയിനുകളിലെ സീറ്റ് വര്‍ധിപ്പിക്കുമെന്നു സൗദി അറേബ്യന്‍ റെയില്‍വേ (എസ്.എ.ആര്‍) അറിയിച്ചു. റമദാനില്‍ മക്കക്കും മദീനക്കുമിടയിലെ യാത്രക്ക് ഏകദേശം 16 ലക്ഷം സീറ്റുകളാണ് ഒരുക്കിയിരിക്കുന്നത്. കഴിഞ്ഞവര്‍ഷത്തെ അപേക്ഷിച്ച് 18 ശതമാനം വര്‍ധനവാണിത്. തീര്‍ഥാടകരുടെ സഞ്ചാരം സുഗമമാക്കുക, കൂടുതല്‍ സുഖകരവും കാര്യക്ഷമവുമായ യാത്രാനുഭവം പ്രദാനം ചെയ്യുക എന്നീ ലക്ഷ്യങ്ങളോടെയാണ് തയ്യാറെടുപ്പുകള്‍. ഹറമൈന്‍ എക്‌സ്പ്രസ് ട്രെയിന്‍ പ്രവര്‍ത്തിപ്പിക്കുന്ന സൗദി സ്പാനിഷ് റെയില്‍വേ കമ്പനിയുമായി സഹകരിച്ച് പ്രവര്‍ത്തന പദ്ധതികള്‍ പൂര്‍ത്തിയാക്കിയിട്ടുണ്ട്. ഈ റമദാനിലെ

റിയാദ്: ഇഫ്താര്‍ സംഗമങ്ങള്‍ക്കു തുടക്കം കുറിച്ചു പ്രവാസി കൂട്ടായ്മകള്‍. റമദാന്‍ ആദ്യ ദിനത്തില്‍ തന്നെ കൊയിലാണ്ടി ഗ്ലോബല്‍ കമ്മ്യൂണിറ്റി റിയാദ് ചാപ്റ്റര്‍ ഇഫ്താര്‍ വിരുന്നൊരുക്കി. മലസിലെ അല്‍ മാസ് ഓഡിറ്റോറിയത്തില്‍ നടന്ന ഇഫ്താര്‍ വിരുന്ന് ചെയര്‍മാന്‍ റാഫി കൊയിലാണ്ടി ഉദ്ഘാടനം ചെയ്തു. പ്രസിഡന്റ് റാഷിദ് ദയ അധ്യക്ഷത വഹിച്ചു. എംബസി ഉദ്യോഗസ്ഥന്‍ പുഷ്പരാജ് പയ്യോളി, മുഖ്യ രക്ഷാധികാരി നൗഫല്‍ സിറ്റി ഫഌവര്‍, ചെയര്‍മാന്‍ പ്രഷീദ് തൈക്കൂട്ടത്തില്‍, പ്രോഗ്രാം കണ്‍വീനര്‍ നൗഷാദ് സിറ്റിഫഌവര്‍, ചാരിറ്റി കണ്‍വീനര്‍ ഷാഹിന്‍ കണ്ണങ്കടവ്