saudi

റിയാദ്: പ്രഥമ സൗദി കെഎംസിസി ഫുട്ബാള്‍ ടൂര്‍ണമെന്റില്‍ ദമാം ബദര്‍ എഫ് സിക്ക് കിരീടം. മൂന്ന് മാസം സൗദിയുടെ വിവിധ പ്രവിശ്യകളില്‍ സംഘടിപ്പിച്ച ടൂര്‍ണ്ണമെന്റിന്റെ ആവേശകരമായ ഫൈനല്‍ മത്സരത്തില്‍ ജിദ്ദയിലെ സബീന്‍ എഫ് സി ക്ലബ്ബിനെ പരാജയപ്പെടുത്തി ബദര്‍ എഫ് സി സൗദിയിലെ മികച്ച പ്രവാസി ക്ലബ് പട്ടികയില്‍ ഇടം നേടി. റിയാദിലെ മലസ് റയല്‍ മാഡ്രിഡ് സ്‌റ്റേഡിയത്തില്‍ നടന്ന ടൂര്‍ണ്ണമെന്റിന്റെ ഫൈനല്‍ മത്സരം കാണാന്‍ സൗദിയുടെ വിവിധ ഭാഗങ്ങളില്‍ നിന്ന് ഫുട്ബാള്‍ പ്രേമികള്‍ ഒഴുകിയെത്തി. പാണക്കാട് […]

റിയാദ്: കടുത്ത വേനലിന് സൗദി അറേബ്യയില്‍ ആശ്വാസ മഴ. കഴിഞ്ഞ ദിവസം രാത്രി പടിഞ്ഞാറന്‍ പ്രവിശ്യയില്‍ വ്യാപക മഴ പെയ്തു. ശക്തമായ കാറ്റും ഇടിയോടുകൂടിയ മഴയാണ് അനുഭവപ്പെട്ടത്. ജിദ്ദ നഗരത്തിലെ എല്ലാ പ്രദേശങ്ങളിലും മഴ ലഭിച്ചു. മഴ കനത്തതോടെ റോഡുകളില്‍ വെള്ളം നിറഞ്ഞ് പലയിടങ്ങളിലും ഗതാഗതം താറുമാറയി. ഫലസ്തീന്‍ റോഡും പ്രിന്‍സ് മാജിദ് റോഡും സന്ധിക്കുന്ന അണ്ടര്‍ പാസേജില്‍ വെള്ളം നിറഞ്ഞതോടെ അടച്ചിട്ടു. മറ്റ് പല റോഡുകളിലും വെള്ളം കയറിയതിനെത്തുടര്‍ന്ന് വാഹനങ്ങള്‍ തിരിച്ചുവിട്ടു. രാത്രി എട്ടോടെ അപ്രതീക്ഷിതമായെത്തിയ

റിയാദ്: കോഴിക്കോട് കോടോമ്പുഴ സ്വദേശി അബ്ദുല്‍ റഹീമിന്റെ വധശിക്ഷ റദ്ദാക്കിയ റിയാദ് ക്രിമിനല്‍ കോടതി ഉത്തരവ് അന്തിമ നടപടികള്‍ക്കായി പ്രോസിക്യൂഷന്‍ അടുത്ത ആഴ്ച കോടതിയ്ക്കു കൈമാറും. നടപടിക്രമങ്ങള്‍ വേഗത്തിലാക്കാന്‍ പലതവണ പപബ്‌ളിക് പ്രോസിക്യൂഷന്‍ ഓഫീസില്‍ സന്ദര്‍ശനം നടത്തിയതായി റഹീമിന്റെ കുടുംബം ചുമതലപ്പെടുത്തിയ പവര്‍ ഓഫ് അറ്റോര്‍ണി സിദ്ദീഖ് തുവ്വൂര്‍ പറഞ്ഞു. വന്‍തുക ദിയാ ധനം നല്‍കി മാപ്പ് നേടിയ കേസ് എന്ന നിലയിലും 18 വര്‍ഷമായി തടവില്‍ കഴിയുന്ന ആളെന്ന നിലയിലും പ്രോസിക്യൂഷന്‍ ഉദ്യോഗസ്ഥര്‍ അനുകമ്പയോടെയാണ് സമീപിക്കുന്നത്.

റിയാദ്: പ്രവാസി വെല്‍ഫെയര്‍ റിയാദിനു കീഴില്‍ കരിയര്‍ സ്‌ക്വയര്‍ വിങ് പ്രവര്‍ത്തനമാരംഭിച്ചു. പ്രവാസി മലയാളികളുടെ കരിയര്‍ സംബന്ധമായ വികാസത്തിനാവശ്യമായ പരിപാടികള്‍ സംഘടിപ്പിക്കുക, ജോലി വിവരങ്ങള്‍ പരസ്പരം അറിയിക്കുന്നതിന് സംവിധാനങ്ങള്‍ ഒരുക്കുക, ശാരീരിക മാനസിക ആരോഗ്യത്തിനായുള്ള ബോധവത്കരണങ്ങള്‍ നടത്തുക, സാമ്പത്തിക അച്ചടക്കവും നിക്ഷേപ സംസ്‌കാരവും വളര്‍ത്തുക, ജോലിയോടൊപ്പം പഠന തുടര്‍ച്ചയും ജോലിയിലെ ഉയര്‍ച്ചക്കും വൈദഗ്ധ്യം വര്‍ധിപ്പിക്കന്നതിനും ആവശ്യമായ മാര്‍ഗ്ഗനിര്‍ദ്ദേശങ്ങള്‍ നല്‍കുക തുടങ്ങിയ ലക്ഷ്യങ്ങളാണ് കരിയര്‍ സ്‌ക്വയര്‍ വിങ് നിലവില്‍ വന്നതെന്ന് സംഘാടകര്‍ അറിയിച്ചു. ഉദ്ഘാടന ചടങ്ങിന്റെ ഭാഗമായി ‘മാസ്റ്റര്‍

റിയാദ്: ഇന്റര്‍നാഷണല്‍ ഇന്ത്യന്‍ സ്‌കൂള്‍ ഭരണ സമിതിയെ അംബാസഡര്‍ നാമനിര്‍ദേശം ചെയ്തു. നാല് വനിതകള്‍ ഉള്‍പ്പെട്ട ആറംഗ സമിതിയ്ക്ക് സൗദി വിദ്യാഭ്യാസ മന്ത്രാലയം അംഗീകാരം നല്‍കി. മലയാളിയായ ഷഹനാസ് അബ്ദുല്‍ ജലീല്‍ ആണ് ചെയര്‍ പേഴ്‌സന്‍. സയ്ദ് സഫര്‍ അലി, ഷഹ്‌സിന്‍ ഇറാം, പ്രഷിന്‍ അലി, ഡോ. സാജിദ ഡോ. സുമയ്യ സംഗേര്‍സ്‌കോപ് എന്നിവരാണ് മറ്റ് അംഗങ്ങള്‍. സ്‌കൂള്‍ പ്രിന്‍സിപ്പല്‍ മീരാ റഹ്മാന്‍ രക്ഷിതാക്കള്‍ക്ക് നല്‍കിയ സര്‍ക്കുലറിലാണ് പുതിയ ഭരണ സമിതി നിലവില്‍ വന്നതായി അറിയിച്ചത്. ഇന്ത്യന്‍

മക്ക: നിര്‍ധനര്‍ ധാരാളമുളള ഉത്തരേന്ത്യന്‍ സംസ്ഥാനങ്ങളില്‍ മക്ക ഐസിഎഫ് അഞ്ചു പൊതു കിണറുകള്‍ നിര്‍മിച്ചു നല്‍കി. ബീഹാറിലെ ചോര്‍ക്കൂര്‍, ജാര്‍ഖണ്ടിലെ നോബിട്ടോല, ഗന്നി പര, പശ്ചിമ ബംഗാളിലെ ചിക്‌നി, കുരിയാട്ടൂര്‍ എന്നിവിടങ്ങളിലാണ് മര്‍കസ് ത്വയ്ബ ഗാര്‍ഡന്‍ സ്വീറ്റ് വാട്ടര്‍ പ്രോജക്ടുമായി സഹകരിച്ചു കിണറുകള്‍ നിര്‍മിച്ചു നല്‍കിയത്. ജാതി മത ഭേദമന്യേ കുടിക്കാനും വീടുകളിലേക്ക് കൊണ്ടു പോയി ശേഖരിച്ചു വെക്കാനും മസ്ജിദുകളില്‍ അംഗശുദ്ധി വരുത്താനും ഓരോ കിണറുകള്‍ക്കരികിലും സൗകര്യം ഏര്‍പ്പെടുത്തിയാണ് നിര്‍മാണം. മക്ക സെന്‍ട്രല്‍ ‘ഇല്‍ത്തിസം-2024’ എക്‌സിക്യൂട്ടീവ് ക്യാമ്പില്‍

റിയാദ്: സൗദി അറേബ്യയിലെ വിവിധ പ്രവിശ്യകളില്‍ പൊതുസുരക്ഷാ വകുപ്പും വിവിധ ഏജന്‍സികളും സംയുക്താമായി നടത്തിയ പരിശോധനയില്‍ 20,718 പേര്‍ അറസ്റ്റിലായതായി ആഭ്യന്തര മന്ത്രാലയം. ‘നിയമലംഘകരില്ലാത്ത രാജ്യം’ എന്ന പേരില്‍ 2016ല്‍ ആരംഭിച്ച പരിശോധനകളുടെ തുടര്‍ച്ചയാണ ഇപ്പോഴും തുടരുന്നത്, ഒരാഴ്ചക്കിടെ നടന്ന പരിശോധനക്കിടെയാണ് ഇത്രയും നിയമ ലംഘകര്‍ കസ്റ്റഡിയിലായത്. ഇഖാമ കാലാവധി കഴിഞ്ഞ 13,248 പേരും അതിര്‍ത്തി സുരക്ഷാനിയമ ലംഘനത്തിന് 4688 പേരും തൊഴില്‍ നിയമലംഘനങ്ങള്‍ക്ക് 2,782 പേരുമാണ് പിടിയിലായത്. രാജ്യാതിര്‍ത്തി നുഴഞ്ഞുകടക്കാന്‍ ശ്രമിക്കുന്നതിനിടെ 744 പേരാണ് പിടിയിലായത്.

റിയാദ്: കോഴിക്കോട് സ്വദേശി അബ്ദുറഹീമിന്റെ കേസ് അന്തിമഘട്ടത്തിലാണെന്ന് അംബാസഡര്‍ ഡോ. സുഹൈല്‍ അജാസ് ഖാന്‍. സൗദി വിദേശ കാര്യമന്ത്രാലയം വഴി കൃത്യമായ ഫോളോഅപ് നടക്കുന്നുണ്ട്. നിയമ നടപടികള്‍ പൂര്‍ത്തിയാക്കാനുള്ള അധികൃതരുടെ സ്വാഭാവികമായ കാലതാമസമാണുള്ളത്. നടപടികള്‍ പൂര്‍ത്തിയായാല്‍ ഉടനെ അബ്ദുറഹീം നാട്ടിലെത്തും. ദിയ ധനമായി വന്‍തുക കണ്ടെത്തിയ കൂട്ടായ്മയെ അംബാസഡര്‍ അഭിനന്ദിച്ചു. രാജ്യസഭാ അംഗം അഡ്വ. ഹാരിസ് ബീരാനുമായി റിയാദ് എംബസിയില്‍ നടന്ന കൂടികാഴ്ച്ചയിലാണ് ഇക്കാര്യം അറിയിച്ചത്. റഹീം നിയമ സഹായ സമിതി രക്ഷാധികാരിയും കെഎംസിസി നാഷണല്‍ കമ്മറ്റി

റിയാദ്: ദുരന്ത ബാധിതര്‍ക്ക് കൈത്താങ്ങൊരുക്കി പ്രവാസി കൂട്ടായ്മ ‘കോഴിക്കോടന്‍സ്’. വയനാട്, കോഴിക്കോട് ജില്ലകളിലെ പ്രകൃതി ദുരന്തങ്ങളില്‍ യാതന അനുഭവിക്കുന്നവര്‍ക്ക് മുപ്പത് ലക്ഷം രൂപയുടെ പുനരധിവാസ പ്രവര്‍ത്തനങ്ങള്‍ നടത്തും. ദുരന്തബാധിത പ്രദേശങ്ങള്‍ സന്ദര്‍ശിച്ച കോഴിക്കോടന്‍സ് പ്രതിനിധികളുടെ പ്രാഥമിക റിപ്പോര്‍ട്ടിന്റെ അടിസ്ഥാനത്തില്‍ കോഴിക്കോട് ജില്ലയിലെ ദുരന്ത ബാധിത മേഖലയായ വിലങ്ങാട് പ്രദേശമാണ് ആദ്യ ഘട്ടത്തില്‍ മുന്‍ഗണന നല്‍കുന്നത്. മാധ്യമങ്ങളില്‍ നിന്നറിഞ്ഞതിനേക്കാള്‍ ദാരുണവും മനഃസാക്ഷിയെ ഞെട്ടിക്കുന്നതുമാണ് ദുരന്ത ബാധിത പ്രദേശങ്ങള്‍ സന്ദര്‍ശിച്ചതില്‍ നിന്ന് ബോധ്യപ്പെട്ടതായി പ്രതിനിധികള്‍ അഭിപ്രായപ്പെട്ടു. വയനാട് സന്ദര്‍ശന വേളയില്‍

റിയാദ്: കേളി കലാ സാംസ്‌കാരിക വേദി മലാസ് ഏരിയ, ഹാര യൂണിറ്റ് അംഗം അബ്ദുള്ള പരുത്തിക്കുത്തിന് സഹപ്രവര്‍ത്തകര്‍ യാത്രയയപ്പ് നല്‍കി. കഴിഞ്ഞ മുപ്പത് വര്‍ഷമായി വസ്ത്ര വിതരണ രംഗത്തു ജോലി ചെയ്തുവന്നിരുന്ന അബ്ദുള്ള പരുത്തിക്കുത്ത് മലപ്പുറം പാണ്ടിക്കാട് സ്വദേശിയാണ്. യാത്രയയപ്പ് യോഗത്തില്‍ യൂണിറ്റ് പ്രസിഡന്റ് അഷ്‌റഫ് പൊന്നാനി അധ്യക്ഷത വഹിച്ചു. യൂണിറ്റ് സെക്രട്ടറി അബ്ദുല്‍ വദൂദ് കെ സ്വാഗതം പറഞ്ഞു. മലാസ് ഏരിയ പ്രസിഡന്റ് മുകുന്ദന്‍, ഏരിയ ആക്ടിങ് സെക്രട്ടറി ഷമീം മേലതില്‍, ഏരിയ ട്രഷറര്‍ സിംനേഷ്

റിയാദ്: അലിഫ് ഇന്റര്‍നാഷണല്‍ സകൂള്‍ പതിനഞ്ചാം വാര്‍ഷികം ആഘോഷിക്കുന്നു. ’15 ഇലുമിനേറ്റിംഗ് ഇയേഴ്‌സ്’ എന്ന പ്രമേയത്തില്‍ ആഘോഷ പരിപാടികളുടെ പ്രഖ്യാപനം അലിഫ് ഗ്രൂപ്പ് ഓഫ് സ്‌കൂള്‍സ് ചെയര്‍മാന്‍ അലി അബ്ദുറഹ്മാന്‍ നിര്‍വഹിച്ചു. മൂല്യമുള്ള വിദ്യാഭ്യാസം ലക്ഷ്യമാക്കി 2009ല്‍ റിയാദിലാണ് അലിഫ് സ്‌കൂളിന് തുടക്ക. 2019ല്‍ കോഴിക്കോട് അലിഫ് ഗ്ലോബല്‍ റെസിഡന്‍ഷ്യല്‍ സ്‌കൂളും രാജ്യാന്തര വിദ്യാര്‍ഥികള്‍ക്ക് അലിഫ് വേര്‍ച്വല്‍ സ്‌കൂളും തുടങ്ങി. നൂതന സാങ്കേതിക വിദ്യകളെ ഉപയോഗപ്പെടുത്തി പുതിയ കാലഘട്ടത്തോട് സംവദിക്കാന്‍ വിദ്യാര്‍ഥികളുടെ കഴിവുകളെ വളര്‍ത്തിയെടുക്കുന്നതിന് ആവശ്യമായ സംവിധാനങ്ങളള്‍

റിയാദ്: മദീന ഹൈപ്പറില്‍ വിലക്കിഴിവിന്റെ മഹോത്സവം ‘സണ്‍ലൈറ്റ്’ ഓഫര്‍ പ്രഖ്യാപിച്ചു. സെപ്തംബര്‍ 1ന് തെരഞ്ഞെടുത്ത ഉത്പ്പന്നങ്ങള്‍ ഒരു റിയാലിന് ലഭിക്കും., 2ന് രണ്ട് റിയാലും 3ന് മൂന്നു ലിയാലുമാണ് വില. ചുരുങ്ങിയത് മര്‍ഹബ ഓഫറില്‍ ഉള്‍പ്പെടാത്ത ഉത്പ്പന്നങ്ങള്‍ 100 റിയാലിന് പര്‍ചേസ് ചെയ്യുന്ന മര്‍ഹബ കാര്‍ഡ് ഉടമകളായ ഉപഭോക്താക്കള്‍ക്കാണ് ഓഫര്‍. രാവിലെ 8 മുതല്‍ വൈകീട്ട് 6 വരെ ഓഫര്‍ ലഭ്യമാണെന്ന് മാനേജ്‌മെന്റ് അറിയിച്ചു. സവാള, കുക്കിംഗ് ഓയില്‍, ഈജിപ്ഷ്യന്‍ മിക്‌സഡ് പിക്കിള്‍, ഒന്നര ലിറ്ററിന്റെ ആറ്

ദമ്മാം: സൗദിയിലെ ജുബൈലില്‍ ഉണ്ടായ വാഹനാപകടത്തില്‍ രണ്ട് ഇന്ത്യക്കാര്‍ മരിച്ചു. അബു ഹൈദ്രിയ റോഡില്‍ തബ്‌ലൈന്‍ പാലത്തിന് സമീപമാണ് അപകടം. മുബരിക് ഖാന്‍ സലിം ഖാന്‍ (24), സമീര്‍ അലി മക്ബൂല്‍ ഖാന്‍ (26) എന്നിവരാണ് മരിച്ചത്. മഹിന്ദ്ര പിക്കപ്പീം മെഴ്‌സിഡസ് ട്രെയ്‌ലറും കൂട്ടിയിടിച്ചാണ് അപകടം. പിക്കപ്പില്‍ യാത്ര ചെയ്തിരുന്നവരാണ് മരിച്ചത്. ട്രെയ്‌ലര്‍ ഓടിച്ചത് പാകിസ്താന്‍ പൗരനാണ്. മുബരിക് ഖാന്‍ െ്രെഡവറായും സമീര്‍ അലി സെയില്‍സ്മാനായും ജോലി ചെയ്തുവരികയിരുന്നു. മൃതദേഹങ്ങള്‍ അല്‍ നാരിയ ജനറല്‍ ആശുപത്രിയില്‍ സൂക്ഷിച്ചിരിക്കുകയാണ്.