ഞാന്‍ ഇല്ലാത്തിടത്ത് ഉണ്ടാകുന്നത് ജ്ഞാനം: ജിഎസ് പ്രദീപ്
റിയാദ്: മനുഷ്യ ചരിത്രത്തിലെ ശക്തമായ വിനോദം വിജ്ഞാനമാണെന്ന് ഗ്രാന്റ് മാസ്റ്റര്‍ ഡോ. ജിഎസ് പ്രദീപ്. നൃത്തവും സംഗീതവും പോലെ അറിവ് ഏറ്റവും ആഴമേറിയതും മനുഷ്യരാശിയുടെ ചരിത്രത്തില്‍ ഏറ്റവും ആധികാരികവുമായ വിനോദം കൂടിയാണ് വിജ്ഞാനം. അതുകൊണ്ടുതന്നെ, വിനോദവും വിജ്ഞാനവും ഒന്നുതന്നെയാണെന്നും ജിഎസ് പ്രദീപ് പറഞ്ഞു. കേളി സാംസ്‌കാരിക വേദി റിയാദില്‍ ഏപ്രില്‍ 19ന് നടത്തുന്ന ‘റിയാദ് ജീനിയസ്’ പരിപാടിയില്‍ പങ്കെടുക്കാനെത്തിയ അദ്ദേഹം വാര്‍ത്താ സമ്മേളനത്തില്‍ സംസാരിക്കുകയായിരുന്നു. അക്കാദമിക ക്വിസ് മത്സരങ്ങളില്‍ നിന്ന് വ്യത്യസ്ഥമാണ് കേളി ഒരുക്കുന്ന റിയാദ് ജീനിയസ്.
