ജനകീയ ഇഫ്താര്‍ 29ന്; അയ്യായിരം പേര്‍ പങ്കെടുക്കും
റിയാദ്: കെഎംസിസി സെന്‍ട്രല്‍ കമ്മിറ്റിജനകീയ ഇഫ്താര്‍ മാര്‍ച്ച് 29ന് നടക്കും. അയ്യായിരം പേര്‍ പങ്കെടുക്കുന്ന ഇഫ്താര്‍ റിയാദ് മാലാസ് ലുലു ഹൈപ്പര്‍ മാര്‍ക്കറ്റ് ഓപ്പണ്‍ ഓഡിറ്റോറിയത്തിലാണ് ഒരുക്കുക. ഇഫ്താര്‍ സംഗമം വിജയിപ്പിക്കുന്നതിന് സംഘാടക സമിതി രൂപീകരിച്ചും. ബത്ഹ കെഎംസിസി ഓഫീസില്‍ നടന്ന യോഗത്തില്‍ സെന്‍ട്രല്‍ കമ്മിറ്റി പ്രസിഡന്റ് സി പി മുസ്തഫ അധ്യക്ഷത വഹിച്ചു. നാഷണല്‍ കമ്മിറ്റി വൈസ് പ്രസിഡന്റ് ഉസ്മാന്‍ അലി പാലത്തിങ്ങല്‍ യോഗം ഉദ്ഘാടനം ചെയ്തു. വിപുലമായ ഒരുക്കങ്ങളാണ് ജനകീയ ഇഫ്താറിന് വേണ്ടി നടക്കുന്നത്.
